केडगाव - भारत पाक युद्धात समोर धडधडीत मृत्यू दिसतोय तरीही तळहातावर शीर घेऊन ७२ तास एकट्याने लढणे म्हणजे काय असते याचे साक्षांत उदाहरण म्हणजे परमवीर चक्र विजेते सेकंड लेफ्टनंट राम राघोबा राणे. दुर्दुम्य साहसासाठी राणे यांना सर्वोच्च लष्करी सन्मान परमवीर चक्रने सन्मानीत करण्यात आले. त्या घटनेचा 21 जून ला अमृतमहोत्सव. त्यांचा अदम्य पराक्रम जाणल्यानंतर भारतीयांची छाती अभिमानाने फुगली नाही तरच नवल. या पराक्रमाचा धावता आढावा.