पुण्यात रविवारी ५२४ नवे कोरोना रुग्ण; जिल्ह्यात ८५० रुग्ण तर दोघांचा मृत्यू | Corona Patients | Sakal
sakal

बोलून बातमी शोधा

Corona Patient
पुण्यात रविवारी ५२४ नवे कोरोना रुग्ण; जिल्ह्यात ८५० रुग्ण तर दोघांचा मृत्यू

पुण्यात रविवारी ५२४ नवे कोरोना रुग्ण; जिल्ह्यात ८५० रुग्ण तर दोघांचा मृत्यू

पुणे - पुणे शहरात (Pune City) रविवारी (ता.२) एकाच दिवसात ५२४ नवे कोरोना रुग्ण (Corona Patients) आढळून आले आहेत. जिल्ह्यातील दिवसातील एकूण कोरोना रुग्णांची संख्या ८५० इतकी आहे. याउलट दिवसात ३१४ जण कोरोनोमुक्त झाले आहेत. अन्य दोन जणांचा कोरोनाने मृत्यू झाला आहे. दिवसातील मृत्यूमध्ये शहर आणि जिल्हा परिषद कार्यक्षेत्रातील प्रत्येकी एक मृत्यू आहे.

रविवारी दिवसभरात पिंपरी चिंचवड, नगरपालिका आणि कॅंटोन्मेंट बोर्ड क्षेत्रात एकाही कोरोना रुग्णाचा मृत्यू झाला नाही. शहर व जिल्ह्यातील नवीन कोरोना रुग्णांची संख्या मागील पाच दिवसांपासून सातत्याने वाढू लागली आहे. शिवाय दिवसातील नवीन कोरोना रुग्णांच्या संख्येच्या तुलनेत कोरोनामुक्त होणाऱ्या रुग्णांची संख्या तुलनेने खूप कमी आहे.

हेही वाचा: पुणे जिल्हा बँकेसाठी ६५.६८ टक्के मतदान; मंगळवारी मतमोजणी

पुणे जिल्ह्यातील दिवसांतील एकूण नवीन कोरोना रुग्णांमध्ये शहरातील ५२४ रुग्णांबरोबरच पिंपरी चिंचवडमधील १७५, जिल्हा परिषद कार्यक्षेत्रातील १०७, नगरपालिका २९ आणि कॅंटोन्मेंट बोर्ड क्षेत्रातील १५ रुग्णांचा समावेश आहे.

जिल्ह्यात दिवसभरात झालेल्या एकूण कोरोनामुक्तांमध्ये पिंपरी चिंचवडमधील सर्वाधिक १७१ जण आहेत. पुणे शहरातील ७९, जिल्हा परिषद कार्यक्षेत्रातील ४०, नगरपालिका आणि कॅंटोन्मेंट बोर्ड क्षेत्रातील प्रत्येकी बारा जण कोरोनामुक्त झाले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top