Pune News : लोकमान्य सोसायटीतर्फे ‘आदिशक्ती ठेव’ योजना

पुणे - आदिशक्तीची उपासना ही आपल्या परंपरेची ओळख आहे. नवरात्रीच्या काळात विशेषतः महिलांसाठी अधिकचा परतावा देणाऱ्या ‘आदिशक्ती ठेव’ योजनेचा ‘लोकमान्य सोसायटी’तर्फे प्रारंभ करण्यात आला आहे. या योजनेत गुंतवणुकदारांना ९.६० टक्के इतका व्याजदर मिळणार आहे. ही योजना अठरा महिन्यांसाठी असून यात महिलांना ०.५० टक्के इतका अधिकचा व्याजदर मिळणार आहे.

महिलांसह ज्येष्ठ नागरिकांनाही अर्धा टक्के अधिकच्या व्याजदराचा लाभ या योजनेद्वारे घेता येईल. ठेवीदार-सभासद या योजनेमध्ये किमान दहा हजार रुपयांची गुंतवणूक करू शकतात. सोप्या गुंतवणूक प्रक्रियेसह मर्यादित कालावधीसाठी चांगला परतावा मिळवून देणाऱ्या या योजनेमध्ये नवरात्रीच्या काळात अधिकाधिक गुंतवणूक करून लाभ घेण्याचे आवाहन ‘लोकमान्य सोसायटी’ तर्फे करण्यात आले.

गुंतवणूकदार घरबसल्या ‘डिजिटल प्लॅटफॉर्म’च्या (www.lokmanyaonline.com) माध्यमातूनही या योजनेमध्ये गुंतवणूक करू शकतात. ‘लोकमान्य सोसायटी’च्या कोणत्याही शाखेत किंवा १८०० २१२ ४०५० या टोल फ्री क्रमांकावर संपर्क साधून ठेवीदार-सभासद-गुंतवणूकदारांना या योजनेचा लाभ घेता येईल, अशी माहिती ‘लोकमान्य सोसायटी’तर्फे देण्यात आली.