नसरापूर - भोर तालुक्यातील दुर्गम वेळवंड खोऱ्यातील करंदी बुद्रुक येथील अभिजित किसन ढवळे याने नुकत्याच झालेल्या सनदी लेखापाल (सीए) परीक्षेत यश प्राप्त केले आहे. त्याच्या या यशाने दुर्गम वेळवंड खोऱ्यातील तरुणांना प्रेरणा मिळणार आहे..अभिजित ढवळे याचे प्राथमिक व माध्यमिक शिक्षण भोर तालुक्यातील करंदी बुद्रुक येथे झाले. तर ज्युनिअर कॉलेजचे बारावी पर्यंतचे शिक्षण संगमनेर (ता. भोर) येथे पूर्ण केले. बारावीला चांगले गुण मिळाल्यावर मुंबर्ईतील सानपाडा कॉलेज ऑफ कॉमर्स मधून इंग्रजी माध्यमातून बी कॉमचे शिक्षण सुरू केले..सुरुवातीला इंग्रजी माध्यम अवघड होते मात्र सातत्याने अभ्यास करून इंग्रजी माध्यमातील शिक्षणाची सवय लावून घेतली चांगल्या श्रेणीत पदवी प्राप्त झाल्यावर सीए करायचा निर्णय घेतला आणि रमेश गुप्ता ॲन्ड असोसिएट नवी मुंबई येथे सराव करून सीए फायनलचा ग्रुप चवथ्या प्रयत्नात पास करून दुसरा ग्रुप पहिल्याच प्रयत्नात पास केला. मेहनत सातत्य आणि संयम बाळगून अभिजितने यशाला गवसणी घालून सीए परीक्षेत यश मिळवले..अभिजितचे वडील प्रथम सुतारकाम आणि आता शेती करतात. आई ताराबाई यांचे संस्कार, भाऊ सोपान आणि संतोष यांनी त्याला नेहमी प्रोत्साहन दिले. अभिजितने या यशाचे श्रेय शिक्षक सुनील रणखांबे, रमेश गुप्ता, कुलदीप गुप्ता, पंकज शहा आदींना दिले आहे..अभिजित म्हणाले, ‘ध्येय ठरवून अडचणी, अडथळ्यांची पर्वा न करता सातत्याने प्रयत्न करीत राहिले तर यश निश्चित गाठता येते. याची जाणीव मला सीएचा अभ्यास करताना झाली. त्यामुळे यश मिळाले.’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
