पुणे : बस चालकाचे नियंत्रण सुटले अन्‌ पहा काय घडले... 

विश्रांतवाडी (पुणे) : लॉकडाउनमुळे सध्या रस्त्यावर जरी रहदारी कमी असली, तरी जाणारी वाहने भरधाव वेगाने जात आहेत. परिणामी, अनेक छोट्या-मोठ्या अपघातांच्या घटना घडत आहेत. असाच एक अपघात शुक्रवारी सायंकाळी विश्रांतवाडी चौकात घडला. 

पुणे : कोरोनाला रोखणारे कोथरुडकर; 45 दिवसांत फक्त पाच रुग्ण

आळंदीवरून विश्रांतवाडीकडे भरधाव वेगाने जाणाऱ्या एका मिनीबस चालकाचे नियंत्रण सुटल्याने विश्रांतवाडी चौकातील बीआरटीच्या बॅरिकेडसला जाऊन धडकली. बसच्या एका बाजूला कार होती. या दोन गाड्यांच्या मधून एका दुचाकीस्वाराने दुचाकी नेण्याचा प्रयत्न केला.

पुणे : "ते' कोरोना विरूध्दची लढाई जिंकले पण... 

रस्ता रुंद असल्याने अचानक आलेल्या या दुचाकीस्वाराला वाचवण्याचा प्रयत्न करत असताना बसचालकाचा बसवरील ताबा सुटला आणि बस बॅरिकेडसला धडकली. 

पुणे : मजूर चालले होते पाय तुडवत अन् पोलिसांनी पहा काय केले

या घटनेत बस आणि बॅरिकेडसचे काही प्रमाणात नुकसान झाले. सुदैवाने या ठिकाणी रहदारी नसल्याने मोठा अनर्थ टळला. या संदर्भात विश्रांतवाडी पोलिस ठाण्याचे वरिष्ठ निरीक्षक अरुण आव्हाड यांनी सांगितले, "दुचाकीस्वाराला वाचविताना हा अपघात घडला असून त्या बसचालकाचेच नुकसान झाले असल्याने त्याच्यावर गुन्हा दाखल केला नाही.'