पुणे : "ते' कोरोना विरूध्दची लढाई जिंकले पण... 

रामवाडी (पुणे) : वडगावशेरी येथील गणेश नगर भागात एकाच कुटुंबातील सहा व्यक्तींनी त्यांच्या प्रबळ इच्छाशक्तीच्या जोरावर कोरोना विरुद्ध लढाई जिंकली आहे. परंतु आता समाजातील काही व्यक्तींचा त्यांच्याकडे पाहण्याचा दृष्टिकोन बदला असल्याने या कुटुंबाला मानसिक त्रासाला सामोरे जावे लागत आहे. 

अहो कोरोना कोरोना काय करताय, पुण्यातील पाणीसाठ्याकडेही लक्ष द्या !..

कोरोनाच्या लढाईमध्ये 65 वर्षाच्या आजीपासून चार वर्षाच्या नातवाचा समावेश होता. आजीला मणक्‍यात ग्याप आल्याने एका ठिकाणी नस दबल्यामुळे उपचारासाठी हॉस्पिटलमध्ये ऍडमिट केले होते. उपचारानंतर चार दिवसांनी त्या घरी परतल्या. आठ दिवसाने पुन्हा तोच त्रास होत असल्याने हॉस्पिटलमध्ये दाखल करण्यात आले. 

लाॅकडाऊनमध्ये महिलांचा होणार `असा` कौशल्य विकास

ऑपरेशन करण्यापूर्वी कोरोना टेस्ट करण्यात आली होती. त्यावेळी त्यांचा रिपोर्ट पॉझिटिव्ह आल्याने घरातील दहा व्यक्तींची कोरोना टेस्ट घेण्यात आली. त्यात पाच जणांचे पॉझिटिव्ह तर पाच निगेटिव्ह रिपोर्ट आले होते. त्यांच्या पैकी एका रुग्णांमध्ये कोरोनाची तीव्रता अधिक वाढल्याने अतिदक्षता विभागात ठेवण्यात आले होते. 

पुण्यातील `या` आमदार महोदयांचा प्रताप एकदा वाचाच

कोरोनावर योग्य वेळात उपचार घेऊन हे सहाजण कोरोनामुक्त झाले आहे. अत्यावश्‍यक काम असल्यावर आम्ही घराबाहेर पडतो. अशा वेळी परिसरातील काही लोक आमच्या परिचयातील व्यक्तींना फोन करून त्यांना घरी बसायला सांगा असे सांगत आहे.

पुण्यातील इतर बातम्या वाचण्यासाठी येथे- क्लिक करा

जे काही अत्यावश्‍यक गरजा आहे. त्या वेळी आम्ही घराबाहेर पडतो पण काही लोकांचा आमच्या कडे पाहण्याचा दृष्टिकोन पूर्णपणे बदला आहे असे या कुटुंबातील सदस्य सांगत आहेत. 
आम्ही बरे झाल्याचे आमच्या कडे दवाखान्याचे सर्टिफिकेट असून ही अशा माणसांची नकारात्मक मानसिकता आम्ही बदलू शकत नाही अशी खंतही त्यांनी व्यक्त केली.