शेतकऱ्याची आर्थिक फसवणुक करून आत्महत्येस प्रवृत्त करणाऱ्या आरोपीस अटक

वेल्हे (पुणे) - वेल्हे तालुक्यातील निवी गावातील शेतकऱ्याची आर्थिक फसवणुक करून आत्महत्येस प्रवृत्त केल्याप्रकरणी गुन्हातील आरोपीला वेल्हे पोलिसांनी चोवीस तासात अटक केली असून, न्यायालयात हजर केले असता एक दिवसाची पोलीस कोठडी मिळाली असल्याची माहिती वेल्हेचे सहाय्यक पोलीस निरीक्षक मनोज पवार यांनी दिली.

दत्ता दगडू गोरे वय ४८ (रा. रा. निवी, ता. वेल्हे, जि- पुणे. सध्या रा. वडगाव बुद्रुक, पुणे) असे अटक केलेल्या आरोपीचे नाव आहे. या प्रकरणी संतोष सुरेश जोगडे (वय २५) वर्षे, धंदा-नोकरी, रा. मुळ रा. निवी, ता. वेल्हे, जि. पुणे यांनी फिर्याद दिली आहे.

याबाबत पोलिसांनी दिलेली माहिती अशी की, फिर्यादीचे मयत वडील सुरेश बाळू जोगडे ५१ वर्ष, यांची आरोपी दत्ता दगडू गोरे याने फसवणूक करून घेतलेले बँकेच्या खात्यावरील रोख रक्कम ५०००० हजार रुपये व एन एफ टी द्वारे स्वतःचे अकाउंटवर ट्रान्सफर केलेली रक्कम २७०००० रुपये असे एकूण ३,२०,००० रुपयांची फसवणूक केली.

त्या रकमेची फिर्यादी व त्यांचे वडीलांनी त्यांच्याकडे वेळोवेळी मागणी केली. परंतु आरोपीने त्यांचे पैसे परत न देता तुम्हाला काय करायचे ते करा, अशी धमकी देऊन शिवीगाळ केली.

या मानसिक तणावाखाली येऊन फिर्यादीच्या वडिलांनी त्याच्या त्रासाला कंटाळून आत्महत्या केली होती. त्यांच्या मृत्यूस कारणीभूत झालेला आहे. असे फिर्यादीत म्हटले आहे, त्यावरून पोलिसांनी त्याला ताब्यात घेतले असून अधिक वेल्हे पोलीस स्टेशनचे सहाय्यक पोलीस निरीक्षक मनोज पवार यांच्या मार्गदर्शनाखाली सहाय्यक फौजदार सुदाम बांदल व महेश कदम अधिक तपास करत आहे .

वेल्हे तालुक्यामध्ये शेतकऱ्यांच्या फसवणुकीचे घटना वारंवार होत असल्याच्या प्रकार समोर येत असून स्थानिक नागरिक व गरीब शेतकरी पार्टीवले व इस्टेट एजंटांच्या दहशती विरुद्ध तक्रार दाखल करण्यास समोर येत नसून अश्या प्रकारचा अन्याय कोणत्या शेतकऱ्यांनवर झाला असल्यास त्यांनी वेल्हे पोलीस स्टेशन शी संपर्क साधण्याचे आवाहन वेलेचे सहाय्यक पोलीस निरीक्षक मनोज पवार यांनी केले आहे.