पुणे - राजस्थानमधील अल्पवयीन मुलीवर अत्याचार करून फरार झालेल्या दोघा आरोपींना पुण्यातील खराडी परिसरातून अटक करण्यात आली. आरोपींना राजस्थान पोलिसांच्या ताब्यात देण्यात आले आहे..राजस्थानमधील लोहारिया पोलिस ठाण्याच्या (बॉसवाडा) हद्दीत ‘निर्भया’ या अल्पवयीन मुलीला फूस लावून पळवून नेण्यात आले. तिच्यावर लैंगिक अत्याचार करण्यात आल्याने आरोपी लाला रामू बमनिया (वय २२) आणि सुरेश लक्ष्मण खराडी (वय १९) यांच्यावर पोक्सो कायद्यान्वये गुन्हा दाखल झाला होता..पोलिस तपासात आरोपींनी चंदननगर भागात ओळखीच्या व्यक्तीकडे आश्रय घेतल्याची माहिती मिळाली. यातील एक आरोपी चंदननगरमधील चहाच्या दुकानात काम करत असल्याचे राजस्थान पोलिसांनी कळवले..ही माहिती मिळताच वरिष्ठ पोलिस निरीक्षक सीमा ढाकणे, पोलिस निरीक्षक सुदर्शन गायकवाड आणि त्यांच्या पथकाने शोधमोहीम हाती घेतली. आरोपींना पोलिस कारवाईची चाहूल लागताच त्यांनी पळ काढला. मात्र पोलिसांच्या गोपनीय माहितीच्या आधारे दोन्ही आरोपींना तुकारामनगर, खराडी येथून ताब्यात घेतले..त्यानंतर राजस्थानच्या लोहारिया पोलिस ठाण्याच्या ताब्यात आरोपींना सुपूर्त करण्यात आले. गुन्हे शाखेचे पोलिस उपायुक्त निखिल पिंगळे, पोलिस उपायुक्त सोमय मुंडे, सहाय्यक आयुक्त राजेंद्र मुळीक, प्रांजली सोनवणे यांच्या मार्गदर्शनाखाली चंदननगर पोलिस आणि गुन्हे शाखेच्या पथकाने आरोपींचा छडा लावला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
