Video : डेक्कन क्वीन पॅन्ट्रीच्या ठेकेदारावर होणार कारवाई 

पुणे : डेक्कन क्वीन मधील डायनिंग कारमध्ये ऑम्लेटमध्ये आळ्या सापडल्याचे प्रकरण 'सकाळ'च्या फेसबुक पेजवर प्रसिद्ध होताच मध्य रेल्वेच्या अधिकाऱ्यांनी तातडीने 'सकाळ'शी संपर्क साधून याबाबत संबंधित ठेकेदारावर तातडीने कारवाई करणार असल्याचं जाहीर केले आहे. मध्य रेल्वे या बाबत 'आयआरसीटीसी'शी संपर्क साधून या बाबत कारवाई करणार असल्याचे रेल्वेचे वरीष्ठ वाणिज्य व्यवस्थापक सुनील मिश्रा यांनी सांगितले.

डेक्कन क्वीन च्या पॅन्ट्री कारमध्ये अंड्याच्या ऑम्लेट मध्ये आळ्या सापडण्याची धक्कादायक घटना उघडकीस आली आहे. याबाबत मध्य रेल्वेच्या पुणे विभागाच्या उपप्रबंधक कार्यालयामध्ये बुधवारी लेखी तक्रार करण्यात आली आहे. प्रवासी सागर काळे हे मुंबईवरून पुण्याला येत असताना त्यांनी ऑम्लेटची ऑर्डर दिली होती. त्यावेळी ऑम्लेटमध्ये आळ्या सापडल्या तर त्याच्या बरोबर देण्यात आलेला चाट-मसाला मधून किडे बाहेर पडत असल्याचे दिसून आले. या घटनेचे त्यांनी व्हिडिओ रेकॉर्डिंग केले असून ते देखील रेल्वे प्रशासनाकडे सोपवले आहे.

VIdeo : डेक्कन क्वीनच्या पॅन्ट्रीमध्ये ऑम्लेटमध्ये सापडल्या आळ्या