Pune Encroachment : कारवाई थंडावली, हफ्तेखोरी वाढली; अतिक्रमणांमुळे नागरिकांना चालणेही झाले अवघड

पुणे - शहरातील रस्त्यांवर, पादचारी मार्गांवर झालेल्या अतिक्रमणांमुळे नागरिकांना चालणेही अवघड झाले आहे. महापालिकेच्या अतिक्रमण विभागातील अधिकारी, कर्मचाऱ्यांचे ‘आर्थिक हितसंबंध’ अधिक घट्ट झाल्याने कारवाई केली जात नाही. याविरोधात पुणेकरांनी त्यांचा संताप व्यक्त केला..विद्यार्थी, महिला, ज्येष्ठ नागरिकांना किती त्रास होतो, हे त्यांना कळणार नाही. अधिकाऱ्यांवर कारवाई करा; अन्यथा त्यांचा पगार बंद करा, त्याशिवाय रस्ते, पदपथ अतिक्रमणमुक्त होणार नाहीत, अशा शब्दांत नागरिकांनी प्रशासनाला खडसावले आहे.‘सकाळ’ने आज ‘अर्थपूर्ण संबंधाचे पुण्यावर अतिक्रमण’ या मथळ्याखाली वृत्त प्रकाशित केले. त्यावर ‘सकाळ’च्या वाचकांनी प्रतिक्रिया देत त्यांच्या भावनांना वाट मोकळी करून दिली..पुण्यात अतिक्रमण खूप झालेले असून, कायमस्वरूपी उपाययोजना करणे आवश्यक आहे. अतिक्रमणांमुळे वाहतुकीला अडथळा होत आहे, हे आपण सर्वांनी जाणले पाहिजे, अन्यथा या समस्येचे रौद्ररूप धारण होईल.- हेमंत मोहोळकर, नऱ्हेअनधिकृत व्यावसायिक शहरातील रस्ते, पदपथ हे स्वतःची खासगी मालमत्ता असल्यासारखे वावरत आहेत. महापालिकेचे अधिकारी, कर्मचारी, पोलिस, राजकीय पदाधिकारी, कार्यकर्ते, अतिक्रमणधारक अशा सर्वांचेच उघड आर्थिक हितसंबंध आहेत. लक्षावधी रुपयांचा खेळ आहे.- राजेश बेल्हेकर, महर्षीनगर.लोकांनी रस्ते, पदपथावर आपला धंदा मांडून अतिक्रमण केले आहे. महापालिकेचे कर्मचारी कारवाई करतात; पण परत त्याच ठिकाणी अतिक्रमण होते. हा प्रकार बंद करण्यासाठी आणखी कडक कारवाई कशी करता येऊ शकते, याचा विचार महापालिकेने करावा.- भूषण गोरेलक्ष्मी रस्त्यावरील पादचारी मार्गावर पॉपकॉर्न, रुमाल, टॉवेल, स्वेटर विक्रेते बसलेले असतात. ज्येष्ठ नागरिकांना चालण्यासाठी कसरत करावी लागते. बाजीराव रस्त्यावर महाराष्ट्र बँकेशेजारी खाद्यपदार्थांच्या गाड्या उभ्या आहेत. तेथे पदपथाचा वापर करता येत नाही. सिंहगड रस्त्यावर अतिक्रमणांचे प्रमाण जास्त आहे. दुचाकीस्वार पादचारी मार्ग वापरतात. पादचारी दिन ठरावित ठिकाणापुरता न करता पुणे शहरातील पदपाथ मोकळे करून नागरिकांना चालता येतील असे करावे.- मनोहर जोशी.अतिक्रमणांमध्ये आर्थिक हितसंबंध असल्याने हा प्रश्न सुटणार कसा? अधिकारी अतिक्रमणांकडे डोळेझाक करतात किंवा थातूरमातूर कारवाई केली जाते. अधिकाऱ्यांना खडसावून जाब विचारला जात नाही, तोपर्यंत नागरिक वेठीस धरले जातील.- राजेंद्र चित्तुरमहापालिकेचे अधिकारी व व्यावसायिक यांच्यातील आर्थिक हितसंबंधामुळे शहरात अतिक्रमणाचा प्रश्न गंभीर झाला आहे. प्रमुख रस्त्यांसह गल्लीबोळ अवैध विक्रेते, टपरीवाल्यांनी व्यापले आहेत. कारवाई होण्यापूर्वी टीप दिली जात असल्याने आयुक्तांनी स्वतः रस्त्यावर उतरून कारवाई करून घ्यावी. लोकांना किती त्रास होतो हे पण पाहावे.- सचिन जाधव, धायरी.मध्यवर्ती भाग असो की उपनगरे तेथील रस्ते, पादचारी मार्ग कोणासाठी बांधले आहेत, असा प्रश्न उपस्थित होतो. आर्थिक हितसंबंधांमुळे भाजी विक्रेत्यांना पादचारी मार्ग हक्काचे ठिकाण झाले आहे. नो हॉकर्स झोनची अंमलबजावणी होत नाही. अतिक्रमणधारक, राजकारणी, अधिकारी यांच्या साटेलोट्याचा फटका पुणेकरांना बसत आहे.- आदित्य गायकवाड, धनकवडीअधिकाऱ्यांना हप्ते चालू आहेत, त्यामुळे अतिक्रमणांवर कारवाई होत नाही. या अधिकाऱ्यांवर कारवाई करा; अन्यथा त्यांचा पगार बंद करा. त्याशिवाय त्यांना नागरिकांना किती त्रास होतो, हे कळणार नाही.- विलास नगरे.शिवाजीनगरमधील दळवी रुग्णालयाबाहेर पादचारी मर्गावर टपऱ्या, गुटखा विकणारेच जास्त झाले आहेत. मुलांना, गर्भवती महिलांना तेथून जाताना त्रास होतो. महापालिकेने हा पादचारी मार्ग अतिक्रमणमुक्त करावा.- एक नागरिकलक्ष्मी रस्ता, बाजीराव रस्ता, कुमठेकर रस्ता, अप्पा बळवंत चौक, शिवाजी रस्ता येथे नागरिकांना चालताना कसरत करावी लागते. महापालिकेने कारवाई केल्यानंतर दंड भरून साहित्य सोडविले जाते. पुन्हा तेथे अतिक्रमण होते. भविष्यात या व्यावसायिकांना महापालिका गाळे वाटप करेल, असे त्यांचे स्वप्न आहे.- हरीश कावतकर, नारायण पेठ.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Encroachment : कारवाई थंडावली, हफ्तेखोरी वाढली; अतिक्रमणांमुळे नागरिकांना चालणेही झाले अवघड

Related Stories