पुणे - भारतात बेकायदा वास्तव्य करत दोन बांगलादेशी महिलांनी आधारकार्ड, पॅनकार्ड आणि भारतीय पारपत्र मिळविल्याचा प्रकार समोर आला आहे. आंबेगाव पोलिसांनी कात्रज परिसरातील या दोघींसह त्यांच्या साथीदारास अटक केली आहे. .रिंकीदेवी ऊर्फ खातून तमीना मकबूल मोरल (वय-३८), लिझा मकबूल शेख ऊर्फ खातून तस्लिमा मोफीजूर रेहमान (वय-३०, दोघी रा. सिद्धिविनायक सोसायटी, आंबेगाव बुद्रूक, कात्रज; मूळ रा. बांगलादेश) आणि प्रमोदकुमार चौधरी (रा. फतेहपूर, नालंदा, बिहार) अशी अटक केलेल्यांची नावे आहेत..आंबेगाव बुद्रूक परिसरात बांगलादेशी महिला वास्तव्यास असल्याची माहिती पोलिस अंमलदार सागर नारगे यांना २५ जून रोजी मिळाली. त्यानंतर पोलिसांनी छापा टाकून चौकशी केली. महिलांनी भारतीय पारपत्र सादर केले; मात्र तपासणीदरम्यान त्यांच्या घरात बांगलादेशी पारपत्रही सापडले. यामुळे त्यांची ओळख उघडकीस आली, अशी माहिती वरिष्ठ पोलिस निरीक्षक शरद झिने यांनी दिली..बनावट कागदपत्रांद्वारे भारतात प्रवेश -प्रमोदने बिहारमधून रिंकीदेवी आणि लिझा या दोघींचा बनावट जन्म दाखला, शाळा सोडल्याचा दाखला मिळवला. त्याच्या आधारे दोघींसाठी आधारकार्ड, पॅनकार्ड काढून भारतीय पारपत्रही मिळवले. विशेष म्हणजे, लिझा शेख ही तीन वेळा बांगलादेशात जाऊन आल्याची माहिती पोलिसांनी दिली..पोलिस उपायुक्त स्मार्तना पाटील, सहाय्यक आयुक्त राहुल आवारे यांच्या मार्गदर्शनाखाली आंबेगाव पोलिस ठाण्याचे वरिष्ठ पोलिस निरीक्षक शरद झिने, पोलिस निरीक्षक (गुन्हे) गजानन चोरमोले, उपनिरीक्षक युवराज शिंदे, नीलेश जमदाडे, सागर नारगे, प्रमोद भोसले, स्वप्नील शर्मा, पूजा खवले यांनी ही कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
