Shirur Lok Sabha Constituency : ॲड. प्रकाश आंबेडकर यांची आज हडपसरमध्ये सभा

Pune News : पुणे जिल्ह्यातील शिरूर लोकसभा मतदारसंघातील वंचित बहुजन आघाडीचे उमेदवार डॉ.अन्वर शेख यांच्या प्रचारार्थ या पक्षाचे नेते ॲड. प्रकाश आंबेडकर यांची येत्या रविवारी (ता.५) हडपसर येथे जाहीर सभा आयोजित करण्यात आली आहे. हडपसर येथील कन्यादान मंगल कार्यालयाच्या पटांगणात सांयकाळी पाच वाजता ही सभा होणार आहे.

वंचित बहुजन आघाडीचे शिरूर लोकसभा मतदारसंघाचे उमेदवार डॉ.अन्वर शेख यांनी शनिवारी (ता.४) पत्रकार परिषदेत सांगितले. यावेळी वंचित बहुजन आघाडीचे जिल्हाध्यक्ष राज कुमार, पुणे शहराध्यक्ष मुन्वर कुरेशी, पुणे पश्चिमचे जिल्हाध्यक्ष कमलेश उकिरंडे आणि हडपसर विभाग अध्यक्ष विश्वास गदादे आदी उपस्थित होते.

या सभेच्या निमित्ताने वंचित बहुजन आघाडी मोठ्या प्रमाणात शक्ती प्रदर्शन करणार असून, या सभेला पुणे शहरासह शिरूर लोकसभा मतदारसंघातील शिरूर, जुन्नर, आंबेगाव, राजगुरुनगर, भोसरी, हडपसर आदी भागातून मोठ्या संख्येने कार्यकर्ते उपस्थित राहणार असल्याचे डॉ. शेख यांनी यावेळी सांगितले.