- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : चॉकलेट-गोळ्यांपासून ते प्लॅस्टिकच्या घरगुती वापराच्या वस्तू आणि खेळण्यापर्यंतच्या वस्तू संपूर्ण शहरासह पश्‍चिम महाराष्ट्राला पुरवठा करणारी रविवार पेठेतील बाजारपेठ तब्बल शंभर दिवसानंतर खुली होणार आहे. गुरुवारपासून (ता.१८) 'पी वन- पी टू' या पद्धतीने सकाळी दहा ते सायंकाळी सात या वेळेत या बाजारपेठेतील दुकाने खुली करण्याचा निर्णय बुधवारी (ता.१७) घेण्यात आला.
कोरोनाचा प्रादुर्भाव रोखण्यासाठी राज्य सरकारने 23 मार्चपासून लॉकडाऊन लागू केले. त्यानंतर रविवार पेठ, शुक्रवार पेठ, भोवरी आळी, कापडगंज भागातील व्यापारी बाजारपेठ बंद झाली होती. घरगुती वापरातल्या प्लास्टिकच्या वस्तू, झाडू, पावसाळ्यात घरावर टाकावयाचे प्लॅस्टिकचे कागद, चॉकलेट, गोळ्या, प्लॅस्टिकची शोभीवंत झाडे, टिकल्या, रेनकोट, छत्र्या, ज्वेलरी, वह्या- पुस्तके, स्टेशनरी साहित्य, कापड, गांधी टोप्यापासून अनेक वस्तूंची ही घाऊक बाजारपेठ आहे. या पेठेतून शहराबरोबरच पुणे जिल्ह्यासह पश्‍चिम महाराष्ट्रात मालाचा पुरवठा होतो.
मात्र, लॉकडाऊनमुळे या वस्तूंची पुरवठा साखळी खंडित झाली होती. या पेठा कंन्टेमेन्ट झोनमध्ये येत असल्याने ऍनलॉक एकमध्ये येथील दुकाने उघडण्यास परवानगी देण्यात आली नव्हती. ती द्यावी, अशी मागणी तेथील व्यापारी गेल्या काही दिवसांपासून करीत होते. मध्यंतरी शासनाकडून नियुक्त करण्यात आलेले सौरभ राव यांनी त्या भागात भेट देऊन पाहणी देखील केली होती. ही बाजारपेठ खुली करण्याबाबतचे अधिकार महापालिकेने पोलिसांना दिले होते.
त्यानुसार बुधवारी पोलिस आणि तेथील व्यापाऱ्यांची एकत्रित बैठक झाली. त्यामध्ये दुकाने सुरू करण्यासंदर्भात एकमताने निर्णय घेण्यात आला, अशी माहिती तेथील पुणे शहर व्यापारी असोसिएशनचे अध्यक्ष सुरेश जैन यांनी सांगितले. ते म्हणाले, 'पी वन- पी टू' या पद्धतीने उद्यापासून दुकाने सुरू करण्याचा निर्णय घेण्यात आला. सकाळी दहा ते सायंकाळी सात या वेळेत ही दुकाने सुरू करण्यात येणार आहेत.''
- पुण्याच्या बातम्या वाचण्यासाठी येथे ► क्लिक करा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.