PUNE : आईचा खून केल्या नंतर वडिलांना ही जीवे मारण्याचा प्रयत्न... | Sakal
sakal

बोलून बातमी शोधा

आईचा खून केल्या नंतर वडिलांना ही जीवे मारण्याचा प्रयत्न...
आईचा खून केल्या नंतर वडिलांना ही जीवे मारण्याचा प्रयत्न...

आईचा खून केल्या नंतर वडिलांना ही जीवे मारण्याचा प्रयत्न...

वालचंदनगर : जमीन वाटून देत नाही, मागेल तेवढे पैसे देत नाही, तुम्ही माझे आई -वडील नसल्याच्या कारणावरुन आईवरती मुलानेच लोखंडी कोयत्याने वार करुन जीव मारल्याची घटना इंदापूर तालुक्यातील काझडमध्ये घडली. तसेच वडिलावरती कोयत्याने वार करुन त्यांना जीव मारण्याचा प्रयत्न केला.या घटनेमध्ये वडिलांच्या दोन्ही हाताची दोन बोटे तुटली आहेत. याप्रकरणी वालचंदनगर पोलिसांनी मुलावर खूनाचा गुन्हा दाखल केला आहे.

हेही वाचा: राज्यातील शाळांमध्ये ‘१०० दिवस वाचन अभियान’

या घटनेमध्ये अलका पांडुरंग नरुटे ( वय -55 रा. काझड) या महिलेच्या डोक्यात तसेच अंगावर लोखंडी कोयत्याने सपासपा वार करुन खून करण्यात आला. याप्रकरणी पोेलिसांनी अमित पांडुरंग नरुटे (वय- ३१, वर्षे रा.सिधोबाची वस्ती, काझड) याच्यावर गुन्हा दाखल केला असून पांडुरंग बाबुराव नरुटे (वय ६०) यांनी वालचंदनगर पोलिस ठाण्यात फिर्याद दिली आहे. वालचंदनगर पोलिसांनी दिलेल्या माहितीनूसार पांडुरंग नरुटे यांची काझड परीसरामध्ये शेती व घर आहे. रविवार (ता.२) रोजी पहाटे एक वाजण्याच्या सुमारास काझड जवळील सिधोबाची वस्ती येथे रात्री दीड वाजण्याच्या सुमारास अमित याने आईला शेतामध्ये पंप सुरु करण्यासाठी जायाचे असल्याचे सांगून शेतामध्ये घेवून गेला. व उसाच्या शेतामध्ये कोयत्याने आईच्या डाेक्यामध्ये तसेच शरीरावरती वार करुन निघृण खून केल्याची घटना घडली.

आईला जीव मारल्यानंतर वडिल पांडुरंग यांना जीव मारण्यासाठी घरी आला होता. यावेळी वडिल फोन वरती मुलाची विचारपूस करीत होते. वडिलांनाही शेतातील पाईप फुटला असून पाईप जोडण्यासाठी आपण दोघे जावू असे म्हणत होता. मात्र वडिलांना संशय आल्याने त्यांनी घराच्या बाहेर जाण्यास नकार दिला. यावेळी वडिल फोनवरती बोलत असल्याने अमित ने वडिलांच्या डाव्या हाताच्या दंडावर व हातावरती वार केला. यामध्ये त्यांची दोन्ही हाताची बोटे तुटली आहेत. दरम्यानच्या काळामध्ये फोन सुरु असल्याने शेजारच्या नागरिकांना प्रकार कळाल्याने त्यांनी तातडीने पांडुरंग नरुटे यांचे घर गाठले. याप्रकरणी पोलिसांनी खूनाचा गुन्हा दाखल केला असून तपास वालचंदनगर पोलिस ठाण्याचे साहय्यक पोलिस निरीक्षक बिरप्पा लातुरे करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top