Pune Accident: तेल टँकर अपघातानंतर प्रशासनाची मूठमाती, नगर हायवेवर ट्रॅफिकचा बोजवारा

अहमदनगर रस्त्यावर खराडी चंदननगर परिसरात मंगळवारी एक मोहरीच्या तेलाचा टँकर बीआरटी मार्गात पलटी झाला आहे. पलटी झालेल्या टँकरचा चालक पळून गेला असून टँकरमधील निम्मे तेल नगर रस्त्यावर वाहून आले आहे. त्यामुळे मोठी वाहतूक कोंडी देखील निर्माण झाली होती. (Latest Marathi News)

रस्त्यावर तेल सांडल्यामुळे अपघाताची शक्यता निर्माण झाली होती. या अपघाताची माहिती मिळताच पुणे अग्निशामक दल घटनास्थळी दाखल झाले. तेल सांडलेल्या जागेवर त्यांनी माती टाकण्याचे काम सुरू केले. सांडलेल्या तेलावरून वाहने घसरू नयेत यासाठी मातीचा वापर करण्यात आला होता. (Latest Marathi News)

मात्र दोन दिवसानंतरही रस्त्यावरील ती माती बाजूला झालेली नाही. आधी तेलाचा आणि आता मातीचा त्रास वाहकांना आणि सामान्यांना होताना दिसून येत आहे. तेलावर टाकलेली माती रस्त्यावरून जाताना हवेमुळे डोळ्यात जात आहे. यामुळे देखील अपघाताची शक्यता आहे.

रस्त्यावर तेल सांडल्याने वाहने घसरून अपघात होण्याचा धोका टाळण्यासाठी टँकर हटवल्यावर त्या जागी माती टाकण्यात आली. त्यामुळे बुधवारी दिवसभर या मार्गावरून प्रवास करताना वाहनचालकांना धुळीचा प्रचंड त्रास सहन करावा लागत होता.(Latest Marathi News)

बीआरटी मार्गावर मोहरीचे तेल वाहून नेणारा टँकर पलटी झाल्यावर स्थानिकांनी घटनास्थळी धाव घेऊन रस्त्यावर सांडलेले तेल घरी नेले होते. स्थानिक लोक बादल्या, डबे आणि भांड्यांमध्ये रस्त्यावर सांडलेले तेल भरत होते.(Latest Marathi News)