अखिल भारतीय चित्रपट महामंडळाच्या अध्यक्षांविरोधात आंदोलन! | Sakal
sakal

बोलून बातमी शोधा

Agitations against the President of All India Film Corporation Appointments are illegal pune

अखिल भारतीय चित्रपट महामंडळाच्या अध्यक्षांविरोधात आंदोलन!

पुणे : अखिल भारतीय चित्रपट महामंडळाच्या कोल्हापूर येथे झालेल्या बैठकीत पदाधिकाऱ्यांच्या केलेल्या नियुक्त्या बेकायदेशीर आहेत, असा दावा करत महामंडळाचे अध्यक्ष मेघराज राजेभोसले यांच्या समर्थकांनी शुक्रवारी महामंडळाच्या कार्यालयासमोर आंदोलन केले. चित्रपट महामंडळाच्या नुकत्याच झालेल्या बैठकीत मेघराज राजेभोसले यांच्यावर अविश्वास ठराव मंजूर करण्यात आला. तर, त्यांच्या जागी सुशांत शेलार यांची महामंडळाच्या अध्यक्षपदी निवड करण्यात आली. शेलार यांची अध्यक्षपदी निवड झाल्याने रिक्त झालेल्या प्रमुख कार्यवाहपदी रणजित जाधव यांची नियुक्ती करण्यात आली. मात्र, या बैठकीवर मेघराज राजेभोसले यांनी आक्षेप घेतला आहे.

‘‘कार्यकारिणीची मुदत संपुष्टात आली असून सध्या आम्ही सगळेच काळजीवाहू म्हणून काम करीत आहोत. या कार्यकारिणीला कोणताही धोरणात्मक निर्णय घेता येत नसल्याने आपण या बैठकीला परवानगी दिली नव्हती’’, असे राजेभोसले यांनी सांगितले. या पार्श्वभूमीवर नव्या पदाधिकाऱ्यांपैकी एक सदस्य महामंडळाच्या पुणे कार्यालयाचा ताबा घेण्यासाठी येणार असल्याचे समजताच राजेभोसले यांच्या समर्थकांनी आंदोलन करून नव्या कार्यकारिणीचा निषेध केला. यावेळी ‘मेघराज भैय्या आगे बढो, हम तुम्हारे साथ है’, ‘सुशांत शेलार हाय हाय’, ‘नव्या कार्यकारिणीचा निषेध असो’, आदी घोषणा देण्यात आल्या. महामंडळाची निवडणुक घ्यावी, तोवर महामंडळावर प्रशासक नेमावा, नवनियुक्त पदाधिकाऱ्यांना त्वरित हटवावे, अशा मागण्या त्यांनी केल्या.

Web Title: Agitations Against The President Of All India Film Corporation Appointments Are Illegal Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..