पुणे : पुण्यातील पर्वती, हडपसर, वडगाव शेरी, खडकवासला हे चार मतदारसंघ राष्ट्रवादीकडे असल्याची घोषणा माजी उपमुख्यमंत्री अजित पवार यांनी आज येथे केली. पुण्यात राष्ट्रवादी काँग्रेसच्या मेळाव्यात बोलताना त्यांनी ही माहिती दिली. काँग्रेस पक्ष हा पर्वतीसाठी आग्रही होता. मात्र ही मागणी मान्य झाली नसल्याचे अजित पवार यांच्या घोषणेवरून स्पष्ट होते.
पुण्यात अजित पवार यांनी आज (रविवार) कार्यकर्त्यांचा मेळावा घेतला. या मेळाव्यातून त्यांना सत्ताधारी भाजप-शिवसेनेवर जोरदार टीका केली. चार मतदारसंघातील दाव्यामुळे कसबा, कोथरूड, शिवाजीनगर आणि कॅन्टोन्मेंट हे चार मतदारसंघ आता काँग्रेसकडे येणार असल्याचे स्पष्ट झाले आहे. या वेळी बोलताना त्यांनी भाजप सरकारवर टीका केली.
अजित पवार म्हणाले, की काही जागा मित्र पक्षांकडे असतील पण त्या राष्ट्रवादीच्या आहेत समजूनच झटा. मतभेद बाजुला ठेवा, भांड्याला लागते पण त्याचा आवाज़ किती? आता शहाण्यासारखे वागा. सरकारने राज्याला क़र्ज़बाजारी केले आहे. या पाच वर्षीत अडीच लाख कोटी रूपयांचे क़र्ज़ आहे. याधीच्या ५४ वर्षात एवढे क़र्ज़ होते, भाजपने पाच वर्षात तेवढे क़र्ज़ केले. पुणेकरांसाठीची धरणे भरली असून प्यायला मात्र पाणी नसल्याची स्थिती असल्याचा आरोप त्यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.