पुणे - महाराष्ट्रात राबविण्यात येत असलेल्या ‘मुख्यमंत्री माझी लाडकी बहीण’ योजनेमुळे राज्यात महायुतीला विधानसभा निवडणुकीत यश मिळवता आले. याचे सर्व श्रेय केंद्रीय कृषिमंत्री शिवराज सिंह चौहान यांना उपमुख्यमंत्री अजित पवार यांनी दिले..चौहान हे मध्यप्रदेशचे मुख्यमंत्री असताना ‘लाडली बहणा’ योजना राबविली होती. त्यातूनच आम्हाला प्रेरणा मिळाल्याचे सांगून पवार यांनी चौहान यांचे पुण्यातील कार्यक्रमात आभार ही मानले.राज्य शासनाचा कृषी विभाग, महात्मा फुले कृषी विद्यापीठ आणि कृषी महाविद्यालयाच्या संयुक्त विद्यमाने कृषी हॅकेथॉनच समारोप प्रसंगी ते बोलत होते. पवार म्हणाले, ‘मध्यप्रदेशचे माजी मुख्यमंत्री शिवराज सिंह चौहान यांनी सुरू केलेल्या ‘लाडली बहणा’ योजनेने आम्हाला प्रेरणा दिली आणि त्याच वाटेवरून आम्ही ‘मुख्यमंत्री लाडकी बहीण’ योजना राबवली..या योजनेच्या माध्यमातून आम्ही लोकांचा, विशेषतः महिलांचा विश्वास संपादन केला. यामुळे २३६ जागांवर आमचे उमेदवार विजयी झाले. आत्तापर्यंतचा सर्वात मोठा, ऐतिहासिक विजय आहे.’ शिवराजसिंह चौहान यांचे विशेष आभार मानत, पवार म्हणाले, ‘तुम्ही आम्हाला मतदारांची मने जिंकण्याचा मार्ग दाखवला..आम्ही तुमच्या पावलावर पाऊल ठेवून ही योजना राबवली आणि त्यातून मतदारांचा विश्वास मिळविला. त्यामुळेच हे यश शक्य झाले. आम्हाला विजयाचा मार्ग दाखवल्याबद्दल आम्ही तुमचे मन:पूर्वक आभार मानतो.’.योजना तुमचीच...कार्यक्रमानंतर पत्रकारांशी संवाद साधताना केंद्रीय कृषिमंत्री शिवराज सिंह चौहान म्हणाले, ‘ही योजना माझी नाही, ती तुमचीच आहे. याबाबत मी राज्य सरकारला धन्यवाद देईल. त्यांनी गरीब बहिणींचे दु:ख समजून घेतले. हजार दोन हजारांसाठी त्यांना अडचणी येत होत्या. या योजनेतून त्यांना मदत करण्यात आली..मध्य प्रदेशात लाडकी लक्ष्मीपासून लाडकी बहिणीपर्यंतचा प्रवास महिला सशक्तीकरणाचा आहे. मात्र, महाराष्ट्राने केलेल्या अनेक कामांचा अवलंब अन्य राज्ये करत आहेत. इतर राज्यामध्ये चांगले काम झाले तर महाराष्ट्र त्याचा अवलंब करतो.’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
