...तर १६ आमदारांच्या बाबत वेगळा निकाल लागू शकतो - अजित पवार

Ajit Pawar Marathi Latest News
Ajit Pawar Marathi Latest NewsAjit Pawar Marathi Latest News

पुणे : सुप्रीम कोर्टात (Supreme Court) सोमवारी (ता. ११) शिंदे गट व उद्धव ठाकरे गटाच्या याचिकेवर सुनावणी होणार आहे. याकडे सर्वांचे लक्ष लागले आहे. काही जण उद्धव ठाकरे यांच्या बाजूने निकाल लागेल, तर काही जण शिंदे गटाच्या बाजूने निकाल लागेल असे म्हणत आहे. मात्र, मी ज्या वकिलांशी चर्चा केली त्यानुसार पक्षांतर बंदी कायद्याचे तंतोतंत पालन केले तर १६ आमदारांच्या बाबत वेगळा निकाल लागू शकतो, असे विरोधी पक्षनेते अजित पवार (Ajit Pawar) म्हणाले. (Ajit Pawar Marathi Latest News)

एकनाथ शिंदे गटातील ३९ आणि ठाकरे कॅम्पमधील १४ आमदारांना (MLA) नोटिसा मिळाल्या आहेत. सोमवारी सुप्रीम कोर्टात (Supreme Court) दोन्ही गटांच्या याचिकेवर सुनावणी होणार आहे. राज्य विधिमंडळाचे प्रधान सचिव राजेंद्र भागवत यांनी महाराष्ट्र विधानसभेच्या या ५३ आमदारांना पक्षांतराच्या कारणावरून अपात्रतेच्या नियमाअंतर्गत नोटिसा बजावल्या आहेत.

Ajit Pawar Marathi Latest News
सामान्य तरुणाला शरद पवार हे विमानातून औरंगाबादला सोबत नेतात तेव्हा...

यावरून विचारलेल्या प्रश्नाला उत्तर देताना अजित पवार बोलत होते. पक्षांतर बंदी कायदा काय सांगतो? त्या कायद्याची भूमिका काय आहे? सुप्रीम कोर्टात त्यासंदर्भातील प्रश्न आहेत. सुप्रीम कोर्ट निर्णय घेणारी सर्वोच्च संस्था आहे. सुप्रीम कोर्ट विचारपूर्वक निर्णय देईल. उद्धव ठाकरे यांची शिवसेनाच मूळ शिवसेना आहे, असे आम्हाला वाटते, असेही विरोधी पक्षनेते अजित पवार (Ajit Pawar) म्हणाले.

सुप्रीम कोर्टात १२ जूनला सुनावणी

ओबीसी राजकीय आरक्षणाशिवाय (OBC Reservation) स्थानिक स्वराज संस्थांच्या निवडणुका होऊ नये. ओबीसी समाजाच्या संदर्भातील आरक्षण न देता या निवडणुका जाहीर झाल्या आहेत. ओबीसी राजकीय आरक्षणासहित स्थानिक स्वराज संस्था निवडणुका व्हाव्यात ही आमची भूमिका आहे. सुप्रीम कोर्टात १२ जूनला सुनावणी आहे, असेही अजित पवार (Ajit Pawar) म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com