Pavman Abhishek at Sant Dnyaneshwar Samadhi
Sakal
आळंदी : सनईचे मंजूळ स्वर... माउलीनामाचा अखंड जयघोष... भाविकांच्या समाधीकडे खिळलेल्या नजरा... अकरा ब्रह्मवृंदांच्या साथीत केलेला मंत्रघोष... अशा मंगलमय वातावरणात माउलींच्या समाधीवर शनिवारी (ता. १५) पहाटे एकादशीनिमित्त पवमान अभिषेक करण्यात आला. राज्यभरातून आलेल्या अडीच लाख भाविकांनी आपली वारी अलंकापुरीत माउलींच्या चरणी रुजू केली. दरवर्षीच्या तुलनेत यंदा भाविकांची संख्या काही प्रमाणात कमी होती.