आळंदी - संत श्री ज्ञानेश्वर महाराज संस्थान समितीच्या विश्वस्त अॅड. डॉ. रोहिणी पवार यांनी पुढाकार घेत देवस्थानवर महिला लैंगिक छळ प्रतिबंधक कायदा २०१३ अंतर्गत महिला तक्रार निवारण समिती (विशाखा समिती) स्थापन करण्यात आली आहे. .महाराष्ट्रात प्रथमच एखाद्या देवस्थानवर महिला लैंगिक छळ प्रतिबंधक कायदा २०१३ अंतर्गत महिला तक्रार निवारण समिती (विशाखा समिती) स्थापन करण्यात आली आहे.ज्ञानेश्वर महाराज संस्थान समितीवर प्रथमच एका महिलेला विश्वस्त म्हणून संधी मिळाल्यानंतर, त्यांनी स्वतः कायदेतज्ज्ञ असल्याने सहकारी विश्वस्तांच्या मदतीने हा महत्त्वपूर्ण निर्णय घेतला.समितीत एकूण ५ सदस्य असून समितीच्या अध्यक्षा म्हणून अॅड. रोहिणी पवार यांची निवड करण्यात आली आहे. या समितीमुळे देवस्थानाशी संबंधित महिला कर्मचारी व भक्तगण यांना न्याय व संरक्षण मिळण्याचा मार्ग मोकळा झाला आहे..संत श्री ज्ञानेश्वर महाराज संस्थान समितीच्या विश्वस्त अॅड. डॉ. रोहिणी पवार यांनी सांगितले की,कायद्याच्या तरतुदीनुसार, ज्या ठिकाणी दहा पेक्षा अधिक कर्मचारी कार्यरत असतात, त्या ठिकाणी महिला तक्रार निवारण समिती स्थापन करणे बंधनकारक आहे. मात्र राज्यातील बहुतांश देवस्थानांनी या बाबतीत आजवर उदासीनता दाखवली होती..आळंदी देवस्थाने ही समिती स्थापन करून राज्यातील अन्य देवस्थान साठी पथदर्शी प्रयोग निर्माण केला आहे. पुढे जाऊन अन्य देवस्थान मध्येही अशाच प्रकारचे समिती नेमणे कायदेशीर कोणतीच अडचण नाही.मात्र भाविकांच्या आणि महिलांच्या सुरक्षात्मक दृष्टिकोनातून अशा प्रकारची कार्यवाही करणे देवस्थानांसाठी उचित राहणार आहे. महिलांच्या सुरक्षा न्याय हक्क याबाबत या कायद्याचा योग्य उपयोग होईल कोणावरही अन्याय होणार नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
