आळे येथील सराईत नागपूरमध्ये स्थानबद्ध

आळेफाटा, ता. ३ : आळेफाटा (ता. जुन्नर) पोलिस ठाण्याच्या हद्दीतील आळे येथे वास्तव्यास असलेला खालीद अहमद गुलामगौस बेपारी (वय ५८) या सराईत आरोपीस एमपीडीए कायद्यांतर्गत नागपूर येथील कारागृहात स्थानबद्ध केल्याची माहिती आळेफाटा पोलिस ठाण्याचे पोलिस निरीक्षक विश्वास जाधव यांनी दिली.
सध्या चालू असलेल्या स्थानिक स्वराज्य संस्थांच्या निवडणुका आणि आगामी जिल्हा परिषद व पंचायत समिती निवडणुका शांततेत पार पाडाव्यात, यासाठी जिल्ह्यात रेकॉर्डवरील सराईत गुन्हेगारांना स्थानबध्द करण्याचे आदेश जिल्हा पोलिस अधीक्षक संदीपसिंह गिल यांनी दिले आहेत. त्यानुसार बेपारी याच्याविरूद्ध कारवाई केली. त्याच्यावर विविध प्रकारचे ७ गंभीर गुन्हे दाखल आहेत.