पुणे : ज्येष्ठ लोकनाट्य कलावंत अमन तांबे पुणेकर (वय ६६) यांचे अल्पशा आजाराने निधन (Aman Tambe Death Pune) झाले. त्यांच्या पश्चात पत्नी, दोन मुले, एक विवाहित मुलगी असा परिवार आहे..पुण्यातील आर्यभूषण थिएटरचे संचालक म्हणून त्यांनी काम पाहिले आहे. अमन तांबे पुणेकर सह सरस्वतीबाई कोल्हापूरकर या नावाने त्यांचा तमाशा फड होता. पाच तोफांची सलामी, आईचं काळीज, दख्खनचा मराठा, ही त्यांची गाजलेली वगनाट्ये आहेत. त्यांची संताजी घोरपडे वगनाट्यातील औरंगजेबाची भूमिका खूपच गाजली होती..त्यांनी विविध चित्रपटात व टीव्ही मालिकांमध्येही काम केले आहे. उत्तम प्रकारचे गायक व सोंगाड्या म्हणून ते नावारूपास आले होते. गेली पन्नास वर्षे त्यांनी लोककलेच्या माध्यमातून रसिकांची सेवा केली. अखिल भारतीय चित्रपट महामंडळ, शाहीर पठ्ठे बापूराव प्रतिष्ठान यासारख्या अनेक संस्थांनी त्यांना पुरस्काराने सन्मानित केले आहे..Sunetra Pawar : 'दादांनंतरची ही पहिलीच निवडणूक, त्यांना श्रध्दांजली अर्पण करण्याची बारामतीकरांना संधी'; पोटनिवडणुकीबाबत काय म्हणाल्या सुनेत्रा पवार?.भवानी पेठ येथील कब्रस्तानमध्ये त्यांच्या पार्थिवाचा दफनविधी केला. त्यांचे चिरंजीव व लोकनाट्य कलावंत राहिल तांबे यांनी अंतिम संस्कार केले. यावेळी माजी राज्यमंत्री दिलीप कांबळे यांच्यासह राजकीय व लोककला क्षेत्रातील अनेक कलावंत उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
