पुण्यात MPSC उमेदवाराची आत्महत्या

पुणे : पुण्यात आणखी एका MPSC परिक्षेची तयारी करणाऱ्या उमेदवाराने आत्महत्या केल्याची घटना समोर आली आहे. अमर मोहिते (Amar Mohite) असे आत्महत्या केलेल्या उमेदवाराचे नाव असून तो मूळचा सांगलीचा रहिवाशी असल्याचे सांगितले जात आहे. अमर पीएसआय फिजिकलची तयारी करत होता. (MPSC Student Suicide In Pune)

मराठा आरक्षण (Maratha Reservation) रद्द झाल्यामुळे अमर हा पीएसआयच्या (PSI Exam) फिजिकलमधून बाहेर पडला होता. तेव्हापासून तो तणावात (Pressure) होता. याच तणावातून त्याने आत्महत्या (Suicide) केल्याचा प्राथमिक अंदाज व्यक्त केला जात आहे. अमर हा पुण्यातील सदाशिव पेठ परिसरात राहत होता.

अमर हा मूळचा सांगली येथील असून त्याचा भाऊ पिंपरी चिंचवड पोलीस दलात सहाय्यक पोलिस निरीक्षक म्हणून कार्यरत असल्याचे समजते.