मसूर : बाल बाजारातून विद्यार्थ्यांना मिळते व्यवहारिक ज्ञान : मानसिंगराव जगदाळे

आनंदी बाजारातून व्यावसायिक कौशल्यांचा विकास

मानसिंगराव जगदाळे; मसूरमधील शाळांत पालकांचा प्रतिसाद

मसूर, ता. १८ : बाल आनंदी बाजारासारख्या उपक्रमातून विद्यार्थ्यांना व्यावहारिक ज्ञान मिळते. यामुळे त्यांच्यात आत्मविश्वास वाढतो. भविष्यातील व्यावसायिक कौशल्यांचाही विकास होतो. विद्यार्थ्यांनी स्वत: तयार केलेल्या वस्तू विकण्याच्या प्रक्रियेतून त्यांना पैशाचे व्यवस्थापन, ग्राहकांशी बोलणे आणि बाजारातील स्पर्धा यांचा अनुभव मिळतो, असे प्रतिपादन जिल्हा परिषदेचे माजी शिक्षण सभापती मानसिंगराव जगदाळे यांनी केले.

येथील जिल्हा परिषद प्राथमिक शाळा (मुले व मुली) येथे विद्यार्थ्यांच्या आनंदी बाजाराचे आयोजन केले होते. त्याचा प्रारंभ त्यांच्या हस्ते झाले. त्यावेळी ते बाेलत हाेते. सेवा सोसायटीचे माजी अध्यक्ष नाथाजी जगदाळे, संजय जगदाळे, प्रकाश पाटील, बबन पाटोळे, बापूसाहेब जगदाळे, सिकंदर शेख, जमीर मुल्ला, सुनील शेटे, शाळा व्यवस्थापन समितीचे अध्यक्ष संदीप पाटील, उपाध्यक्ष वैभव गुरव, जितेंद्र निकम, ग्रामविकास अधिकारी बालाजी मेडेवाड, वडगाव हवेलीच्या शिक्षण विस्तार अधिकारी संगीता पवार, मुख्याध्यापिका (मुले) पाटणकर, मुख्याध्यापिका (मुली) माधुरी शेटे व शिक्षक, शिक्षिका, विद्यार्थी, पालक व ग्रामस्थ उपस्थित होते.

बाजारात विद्यार्थ्यांनी विविध प्रकारच्या वस्तू तयार करून विक्रीसाठी ठेवल्या होत्या. शिक्षण विभागाच्या या उपक्रमांचे कौतुक केले.

B02433
मसूर : आनंदी बाजाराचे उद्‌घाटन करताना मानसिंगराव जगदाळे. त्या वेळी मान्यवर.
.......................................................