नारायणगाव - ग्रेप ग्रोवर्स फेडरेशन ऑफ इंडिया, पुणे आणि नॅशनल रिसर्च सेंटर फॉर ग्रेप्स्, पुणे यांच्या वतीने देण्यात येणाऱ्या द्राक्ष भूषण या राष्ट्रीय पुरस्कारासाठी कृषी विज्ञान केंद्राचे अध्यक्ष, कृषिरत्न अनिल घमाजी मेहेर यांची निवड झाली आहे. .27 जुलै 2025 रोजी ग्रेप ग्रोवर्स फेडरेशन ऑफ इंडिया, पुणे आणि नॅशनल रिसर्च सेंटर फॉर ग्रेप्स्, पुणे यांच्या वतीने सकाळी साडेनऊ वाजता विजयापूर (कर्नाटक) येथील बालमकर कनव्हेशन सभागृहामध्ये बेदाणा उत्पादन व प्रक्रिया - सद्यस्थिती या विषयावर राष्ट्रीय चर्चासत्र आयोजित केले आहे..या वेळी होणाऱ्या कार्यक्रमात या पुरस्काराचे वितरण करण्यात येणार आहे. चर्चासत्राचे उदघाटन माजी केंद्रीय कृषी मंत्री शरद पवार यांच्या हस्ते होणार आहे. कार्यक्रमाचे अध्यक्षस्थानी आमदार बनसगौडा आर. पाटील (यत्नाळ) असतील.अनिल मेहेर हे कृषी पदवीधर असून मागील पन्नास वर्षापेक्षा अधिक काळ शेतकरी व शेती समृद्धीसाठी निरपेक्ष भावनेने कार्यरत आहेत. द्राक्ष निर्यातीला चालना देण्यासाठी माजी केंद्रीय कृषी मंत्री शरद पवार यांच्या मार्गदर्शनाखाली त्यांनी नारायणगाव येथे कृषी विज्ञान केंद्राची व विघ्नहर द्राक्ष उत्पादक संस्थेची स्थापना करून शीतगृहाची उभारणी केली..या पूर्वी राज्य शासनाच्या वतीने पंजाबराव देशमुख कृषिरत्न पुरस्कार देऊन त्यांना सन्मानित करण्यात आले आहे. कृषी विभागाच्या बोधचिन्ह व घोषवाक्य मूल्यांकन व निवड प्रक्रिया राज्यस्तरीय समितीच्या सदस्यपदी त्यांची नुकतीच निवड झाली आहे. द्राक्ष भूषण या राष्ट्रीय पुरस्कारासाठी कृषिरत्न मेहेर यांची निवड झाल्यामुळे जुन्नर तालुक्यातील द्राक्ष उत्पादकांनी त्यांचे अभिनंदन केले आहे..इतर पुरस्कारार्थी (कंसात विभाग) - विभाकर पाटील (कर्नाटक), महादेव चाकोते (सोलापूर), अशोक गायकवाड (नाशिक), जगन्नाथ म्हस्के (सांगली), सेंथिलकुमार (तामीळनाडू), स्व. कनका रेड्डी (आंध्र प्रदेश आणि तेलंगणा).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
