पुणे - बोगस जमीनमालक दाखवून कोट्यवधी रूपये किमतीची जमीन लाटल्याप्रकरणी चंदननगर पोलिस ठाण्यात यापूर्वीच गुन्हा दाखल असलेल्या पोलिस निरीक्षक राजेंद्र लांडगे याच प्रकारचा आणखी एक कारनामा उघड झाला आहे..चंदननगरप्रमाणेच वाघोली येथेही बोगस जमीनमालक दाखवून कोट्यवधी रुपये किमतीची तब्बल दहा एकर जमीन बळकावण्याचा प्रकार लांडगे व काहींनी केला. याप्रकरणी वाघोली पोलिस ठाण्यात लांडगे यांच्यासह १६ जणांविरुद्ध गुन्हा दाखल करण्यात आला आहे..पोलिस निरीक्षक राजेंद्र लांडगे, नोयल जोसेफ दास, नोअल जोसेफ दास, ज्योती नोयल दास, राहुल नोयल दास, रोशनी नोयल दास, जॉक्सन नोयल दास, रोहित जॉक्सन दास, गिरीश रामचंद्र कामठे, हेमंत कामठे, संतोष शेट्टी, आदित्य घावरे, अमोल भूमकर, रामेश्वर बळीराम मस्के, सह दुय्यम निबंधक कार्यालयील एक व्यक्ती, याच कार्यालयातील दस्त नोंदणी करणारे निबंधक अशा १६ जणांविरुद्ध गुन्हा दाखल करण्यात आला आहे..हा प्रकार २०२४ ते २३ जानेवारी २०२५ या कालावधीत घडला आहे. याप्रकरणी अपर्णा यशपाल वर्मा (वय ५८, रा.अंधेरी मुंबई) यांनी वाघोली पोलिस ठाण्यात फिर्याद दिली आहे. लांडगे यांच्यासह अन्य आरोपींविरुद्ध चंदननगर पोलिस ठाण्यात यापूर्वीही फसवणुकीचा गुन्हा दाखल आहे..पोलिसांनी दिलेल्या माहितीनुसार, फिर्यादी अपर्णा वर्मा या पुण्यात वास्तव्यास असताना त्यांनी वाघोली येथे १० एकर जमीन खरेदी केली होती. त्यानंतर त्या दुबईला गेल्या होत्या. सध्या त्या मुंबईत वास्तव्याला आहेत. दरम्यान, वर्मा या दुबईला असतानाच्या कालावधीत नगर, इस्लामपूर व राजस्थान येथील अपर्णा वर्मा नावाच्या तीन महिला पुढे आल्या..त्यांनी फिर्यादी वर्मा यांच्या जमिनीच्या आपणच खऱ्या मालक असल्याचा दावा केला होता. संबंधित महिलांनी या प्रकरणात न्यायालयात दावाही दाखल केला होता. त्यानंतर फिर्यादी वर्मा यांना गुन्हा दाखल करण्याची भिती दाखवून राजेंद्र लांडगे व त्याच्या साथीदारांनी साडे सहा कोटी रुपये त्यांच्याकडून खंडणी वसूल केली होती..त्यावेळी दरम्यान, नोयल जोसेफ दास आणि साथीदारांनी ही जमीन १९९९ मध्ये खरेदी केली असून तिच्यावर आपली मालकी आहे. आपण परदेशात असल्यामुळे सात बारा उताऱ्यावर नाव लावू शकलो नव्हतो. आता पुण्यात परतलो आहोत, असा दावा करून फिर्यादीच्या जागेचे बनावट खरेदीखत करून ते खरे असल्याचे भासविले होते..संबंधित जमीनचे साठेखत सह दुय्यम निबंधक यांच्या कार्यालयात नोंदणीकृत करून फिर्यादी वर्मा यांची जमीन बळकाविण्याच्या उद्देशाने त्यांची फसवणूक करण्यात आली होती. दरम्यान, एकाच जमिनीवर अपर्णा वर्मा नावाच्या चार महिलांनी दावा केला होता..लांडगे चंदननगर पोलिस ठाण्याचे पोलिस निरीक्षक होते, त्यावेळी त्यांनी वेगवेगळ्या लोकांशी संगनमत करुन, जमिनीचे बनावट खरेदीखत करून जागा बळकाविण्याचा प्रयत्न केला होता. त्यानुसार, १६ जणांविरुद्ध गुन्हा दाखल करण्यात आला आहे. आत्तापर्यंतच्या पोलिस तपासामध्ये फिर्यादी अपर्णा वर्मा यांची या जमिनीवर मालकी असल्याचे दिसून येत असल्याचे आर्थिक गुन्हे शाखेचे पोलिस उपायुक्त विवेक मासाळ यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
