पुणे - शिवाजीनगर परिसरातील वाहतूक कोंडी कमी करण्यासाठी म्हणून महापालिकेने साखर संकुल ते जुना मुंबई-पुणे रस्ता या दरम्यान उड्डाणपूल उभारण्याचा निर्णय घेतला आहे. त्यासाठी सल्लागार नेमण्याचा प्रस्ताव स्थायी समितीसमोर मंजुरीसाठी सादर करण्यात आला आहे..दरम्यान, शिवाजीनगर येथे सीओईपी चौक, पाटील इस्टेट, शेतकी महाविद्यालय येथे उड्डाणपूल आहेत, समतल विगलक आहे, त्यात आता आणखी एका उड्डाणपुलाची भर पडणार आहे.शिवाजीनगर व वाकडेवाडी परिसरात मोठ्या प्रमाणावर वाहतूक कोंडी जाणवत असून, विशेषतः गोपाळकृष्ण गोखले रस्ता, नरवीर तानाजीवाडी, वाकडेवाडी मार्गावर दररोज वाहनांच्या लांबच लांब रांगा लागत आहे. साखर संकुल ते जुना मुंबई पुणे महामार्ग या दरम्यान अरुंद भुयारी मार्ग आहे, त्याचा वापर मोठ्या वाहनांना करता येत नाही..या पार्श्वभूमीवर महापालिकेने साखर संकुलपासून रेल्वे मार्ग ओलांडून थेट अभियांत्रिकी महाविद्यालयाच्या दिशेने जाणारा उड्डाणपूल उभारण्याचा निर्णय घेतला आहे. प्रशासनाने या प्रकल्पासाठी तांत्रिक सल्लागार नेमण्याचा प्रस्ताव स्थायी समितीसमोर सादर केला आहे. त्याला मंजुरी मिळाल्यानंतर उड्डाणपुलाचा आराखडा तयार करण्याचे काम सुरु होईल..असा असेल संभाव्य उड्डाणपूल- एक मार्गीका वाकडेवाडीच्या दिशेने जाणाऱ्या वाहनांसाठी- दुसरी मार्गीका अभियांत्रिकी महाविद्यालयाच्या दिशेने जाणाऱ्यांसाठी- उड्डाणपुलामुळे शिवाजीनगर बस स्थानकातून सुटणाऱ्या बसेस वाकडेवाडी व संगमवाडीकडे जाऊ शकतील- त्यांना संचेती रुग्णालयाकडे जाण्याची गरज पडणार नाही.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
