पुणे - पुणे विमानतळाच्या टर्मिनलमध्ये वाहनचालकांना प्रवाशांची वाट पाहत अधिक काळ थांबणे आता महागात पडू शकते. विमानतळ प्रशासन ‘ड्वेल टाइम’चा (थांब्याचा कालावधी) नियम लागू करीत आहे..यात सुमारे १५ मिनिटांपेक्षा जास्त वेळ थांबल्यास संबंधित वाहनचालकांवर दंडात्मक स्वरूपाची कारवाई होईल. वाहनांवर कारवाईसाठी ‘एनपीआर’ (नंबर प्लेट रेकग्निशन) कॅमेरे बसविले असून, हे कॅमेरे १५ मिनिटांपेक्षा जास्त वेळ थांबलेल्या वाहनांच्या नंबर प्लेट स्कॅन करणार आहेत..पुणे विमानतळाच्या टर्मिनलमध्ये दररोज सुमारे १५ हजारांहून अधिक वाहनांची वाहतूक होते. यातील अनेक वाहनचालक प्रवाशांची वाट पाहत टर्मिनलच्या परिसरात तासन्तास थांबून राहतात. परिणामी टर्मिनलमध्ये वाहनांची कोंडी होते.विशेषतः रात्रीच्या वेळी विमानांची वाहतूक जास्त असते, अशा वेळी कोंडी मोठ्या प्रमाणात होते. टर्मिनलच्या आत आणि बाहेर पडणाऱ्या प्रवाशांना याचा थेट फटका बसत आहे. या पार्श्वभूमीवर विमानतळ प्रशासनाने कठोर निर्णय घेतला आहे..‘एनपीआर’ कसे काम करणारटर्मिनलच्या परिसरात विविध ठिकाणी सहा ‘एनपीआर’ कॅमेरे बसविले.टर्मिनलमध्ये दाखल होणाऱ्या, बाहेर पडणाऱ्या प्रत्येक वाहनाच्या नंबर प्लेटवर नजर.नंबर प्लेट स्कॅन करून संबंधित वाहन किती वेळ टर्मिनलमध्ये थांबले आहे, हे ठरविणार.१५ मिनिटांपेक्षा अधिक वाहन थांबल्यास संबंधित वाहनाची माहिती यंत्रणेला दिली जाईल.त्या वाहनचालकाकडून निर्धारित दंड वसूल केला जाईल. (दंडाची रक्कम ठरलेली नाही) .फायदे काय?टर्मिनलमध्ये अनावश्यक थांबणाऱ्या वाहनांवर कारवाई.परिसरात वाहतूक कोंडी कमी होण्यास मदत.गुन्ह्यात वापर झालेल्या वाहनांच्या हालचालीवर लक्ष ठेवणे सोपे. .दृष्टिक्षेपात (पुणे विमानतळ)चारचाकीची संख्या - सुमारे १५ हजार (दैनंदिन)विमानांची संख्या - सुमारे २०० (दैनंदिन)प्रवासी संख्या - सुमारे ३५ हजार (दैनंदिन)पार्किंग बे - १०एरोब्रिज - १०.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
