पुणे : लॉकडाऊनच्या नावाखाली राज्य सरकारने अडवल्या नियुक्त्या

विविध परीक्षांचे तब्बल ४२९ उमेदवार नियुक्त्यांपासून वंचित
mpsc
mpscsakal

पुणे : राज्य सरकारचा स्पर्धा परीक्षांच्या नियुक्त्यांचा गोंधळ काही कमी होताना दिसत नाही. २०१९ या वर्षात एमपीएससी आणि सरळसेवा परीक्षांच्या लागलेल्या निकालातून विविध परीक्षांच्या तब्बल ४२९ नियुक्त्या दिल्या गेल्या नसल्याचे चित्र तपासणीतून समोर आले आहे. एकीकडे आरोग्य भरतीच्या परीक्षेच्या नियोजनाबाबत गोंधळ सुरू असतानाच नियुक्त्यांचा घोळ देखील समोर आला आहे. कोरोनाचा देशभरात प्रादुर्भाव सुरू होण्याआगोदर २०१९ या वर्षात विविध पदांच्या परीक्षांचे निकाल जाहीर झाले होते. त्यानंतर नियुक्त्यांची प्रक्रिया सूर असतानाच मार्च २०२० पासून देशभरात टाळेबंदी घोषित करण्यात आली.

mpsc
पुणे : दारू पिताना शिवीगाळ केल्याच्या रागातुन लोखंडी शस्त्राने वार करून खुन

त्यामुळे सुरू असलेल्या नियुक्तीप्रक्रियेत खंड पडला. लॉकडाऊन होण्यापूर्वी नियुक्ती मिळालेले उमेदवार कामावर रुजू देखील झाले, मात्र लॉकडाऊनमूळे नियुक्त्या थांबलेल्या उमेदवारांवर आता बेरोजगारीची वेळ आली आहे. परीक्षा पास होऊनही समाजात बेरोजगार म्हणून वावरावे लागत असल्याने प्रचंड मानसिक आणि आर्थिक त्रासाला या विद्यार्थ्यांना सामोरे जावे लागत आहे.

लॉकडाऊनमूळे प्रलंबित राहिलेल्या नियुक्त्या

लॉकडाऊनमूळे प्रलंबित नियुक्त्या

१. सहायक मोटार वाहन निरीक्षक: ४७

२. सयुंक्त गट क परीक्षा लिपिक टंकलेखक: १५२

३. लेखा व कोषागार भरती: १३२

४. ग्रंथपाल आदिवासी विभाग ठाणे: ०४

५. कृषी सेवक भरती लातूर: ९४

स्वप्नील लोणकरच्या आत्महत्येनंतर रेंगाळलेली नियुक्तीप्रक्रिया वेगाने पूर्ण करण्याचे आश्वासन राज्य सरकार कडून देण्यात आले; मात्र घोषणेपलीकडे वास्तवात काहीच हालचाल झाली नसल्याचे दिसत आहे. नियुक्तीप्रक्रिया पूर्ण करण्याची मागणी संबंधित विभागांना पत्राद्वारे, निवेदनाद्वारे आणि प्रत्यक्ष भेटून करून सुद्धा काहीच हालचाल होत नसल्याने विद्यार्थी पुरते हावालदिल झाले आहेत. लॉकडाऊन आला त्यात आमचा काय दोष ? असा उद्विग्न सवाल आता ते करीत आहेत. मुख्यमंत्र्यांनी याबाबत तातडीने बैठक घेऊन लॉकडाऊनमूळे थांबलेली नियुक्तीप्रक्रिया पूर्ण करण्याचे आदेश संबंधित विभागांना द्यावेत अशी मागणी प्रलंबित उमेदवारांनी केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com