मोठी बातमी: सैन्य भरतीच्या पेपर फुटीचे धागेदोरे महाराष्ट्राबाहेर

पुणे: ''पुणे पोलिसांच्या गुन्हे शाखेकडून लष्कर भरती प्रक्रियेत प्रश्नपत्रिका फोडणारे मोठे रॅकेट उद्ध्वस्त करण्यात आले असून त्यामध्ये सहा जणांना अटक करण्यात आली होती. या प्रकरणात लष्कराच्या मोठ्या अधिकाऱ्याचा सहभाग असण्याची शक्यता वर्तविण्यात येत आहे.''अशी माहिती पोलिस आयुक्त अमिताभ गुप्ता यांनी आज पुण्यात झालेल्या पत्रकार परिषदेमध्ये दिली.

लष्करात भरतीसाठी लेखी परीक्षेची प्रश्‍नपत्रिका फोडून तरुणांची आर्थिक फसवणूक करणारे मोठे रॅकेट लष्करी गुप्तचर विभागाच्या मदतीने पुणे पोलिसांच्या गुन्हे शाखेच्या पथकाने उद्धवस्त केले. पोलिसांनी सहा जणांना अटक केली आहे. याच पद्धतीने राज्यातील तरुणांची फसवणूक झाल्याची शक्‍यता असून या प्रकरणाचा पोलिसांकडून तपास सुरू आहे. दरम्यान याबाबत  पोलिस आयुक्त अमिताभ गुप्ता यांनी आज पत्रकार परिषद घेऊन माहिती दिली. दरम्यान, ''या प्रकरणाचे धागेदोरे अन्य राज्यात असल्याची माहिती मिळत असून गुन्हा व्यापक व संवेदनशील असल्याने तपासासाठी 'एसआयटी'ची स्थापना करण्यात येणार आहे.'' असे सांगितले. 

लष्कर भरतीच्या नावाखाली फसवणूक;गुन्हे शाखेकडून दोघांना अटक 

लष्कर भरती घोटाळासाठी घेतलेल्या पत्रकार परिषदेत पूजा चव्हाण प्रकरणाच्या तपासाबाबत पोलिस आयुक्त अमिताभ गुप्ता यांना विचारले असता त्यांनी उत्तर देण्याचे टाळले आणि पत्रकार परिषद संपवून काढता पाया घेतला आहे.

30 टक्के हॉटेल व्यवसाय अजूनही बंदच! पुणे, पिंपरी-चिंचवडमधील स्थिती