Ashadhi Wari 2024 : भजनात दंग, वैष्णवांनी गाठले वरवंड;‘ज्ञानोबा-तुकारामा’चा जयघोष

गावातील मंदिराभोवती जमलेली भाविकांची गर्दी, मंदिराच्या मागे सूर्य मावळतीला पोहोचलेला, निरभ्र आकाश आणि पक्षी घरट्याकडे परतत होते. ‘ज्ञानोबा तुकाराम’ भजनात दंग होत पालखी‌ तळावर पोचली आणि भाविकांनी हात उंचावून ‘तुकाराम तुकाराम’ जयघोष केला. ग्रामस्थांनी रथातून पालखी खांद्यावर घेऊन मंदिरात आणली.
Ashadhi Wari 2024
Ashadhi Wari 2024sakal

वरवंड (जि.पुणे) : गावातील मंदिराभोवती जमलेली भाविकांची गर्दी, मंदिराच्या मागे सूर्य मावळतीला पोहोचलेला, निरभ्र आकाश आणि पक्षी घरट्याकडे परतत होते. ‘ज्ञानोबा तुकाराम’ भजनात दंग होत पालखी‌ तळावर पोचली आणि भाविकांनी हात उंचावून ‘तुकाराम तुकाराम’ जयघोष केला. ग्रामस्थांनी रथातून पालखी खांद्यावर घेऊन मंदिरात आणली.

वारीच्या परंपरेचा अभंग होऊन संत ज्ञानेश्वर महाराज व संत तुकाराम महाराज यांची आरती झाली. भक्तिमय वातावरणात संत तुकाराम महाराज पालखी सोहळा वरवंड गावात मुक्कामी विसावला. ‘हरिभक्त माझे जिवलग सोइरे । हृदयीं पाउले धरिन त्यांचे ॥’, या विचारातून पालखीची वाटचाल झाली. चोपदार नामदेव गिराम काका यांच्या सूचनेनुसार समाज आरतीसाठी रथापुढील २७ दिंड्या तळावर पोचल्या. ग्रामस्थांनी पालखी खांद्यावर घेतल्यानंतर जयघोष सुरू झाला. ‘ही माझी मिराशी’ हा अभंग घेतला. संत ज्ञानेश्वर महाराज आणि संत तुकाराम महाराजांची आरती झाली. रात्री कानसूरकर दिंडीचे कीर्तन व म्हातारबाबा दिंडीतर्फे जागर झाला.

ऊन-सावल्यांचा खेळात वाट सरली

यवत मुक्कामी सकाळी साडेसहा वाजता तुकोबांच्या पादुकांना अभिषेक सुरू असताना बाहेर पावसाचा शिडकावा सुरू होता. पोपट तांबे यांनी शिंग वाजवून पालखी निघत असल्याचा इशारा दिला. त्यानुसार सेवेकरी, मानकरी, विणेकरी सोबत आले. ग्रामस्थांनी पालखी खांद्यावर घेऊन महामार्गालगत उभ्या असलेल्या रथात ठेवली आणि सोहळा आठ वाजता वरवंडकडे मार्गस्थ झाला. ढगाळ वातावरणामुळे ऊन-सावल्यांचा खेळ सुरू होता.

भांडगाव ग्रामस्थांनी पालखी खांद्यावर घेऊन श्रीविठ्ठल मंदिरात दुपारच्या विसाव्यासाठी आणली. पिठलं भाकरीचा महाप्रसाद होता. भांडगावातून निघून चौफुला येथे विसावा घेऊन सायंकाळी सोहळा वरवंडमध्ये पोहचला. आजची वाटचाल १४ किलोमीटरची होती. उन्हाची तीव्रता असूनही वाऱ्याची झुळूक दिलासा देत होती, वारकऱ्यांच्या चेहऱ्यावर उत्साह होता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com