पुणे : वारीतील गर्दीत मोबाईल, दागिने हिसकावणाऱ्या टोळ्यांवर गुन्हे शाखेने कारवाई केली. यात २२ तोळे सोन्याचे दागिने आणि १४ मोबाईल असा सुमारे २४ लाख रुपयांचा ऐवज जप्त करण्यात आला..वारीत मोबाईल आणि सोनसाखळी चोरीचे प्रकार घडतात. याला आळा घालण्यासाठी गुन्हे शाखेचे अतिरिक्त पोलिस आयुक्त पंकज देशमुख यांच्या सूचनेनुसार युनिट पाच आणि सहाचे विशेष पथक कार्यरत होते. या पथकाने पोलिस निरीक्षक वाहिद पठाण यांच्या नेतृत्वाखाली संशयितांवर बारकाईने लक्ष ठेवले. .प्राप्त माहितीच्या आधारे चांदणी शक्ती कांबळे (वय ३२), रिटा ऊर्फ गंगा कांबळे (वय ३५), बबिता सूरज उपाध्ये (वय ५७), पूजा धीरज कांबळे (वय ३५, सर्व रा. उदगीर, लातूर) आणि गणेश विलास जाधव (३०, रा. सोलापूर) या आरोपींना ताब्यात घेतले. त्यांच्याकडून १९ लाख ४१ हजार रुपये किमतीचे २२.५ तोळ्यांचे सोन्याचे गंठण आणि मंगळसूत्र जप्त करण्यात आले. तपासात त्यांच्यावर हडपसर आणि लोणी काळभोर पोलिस ठाण्यांमध्ये दाखल असलेले गुन्हे उघडकीस आले..यामध्ये पोलिस निरीक्षक संजय पतंगे, मदन कांबळे, पोलिस अंमलदार राजस शेख, नितीन मुंढे, कानिफनाथ कारखिले, प्रताप गायकवाड, विनोद शिवले, पल्लवी मोरे, स्वाती तुपे, बाळासाहेब सकटे, अकबर शेख, शेखर काटे आदींनी सहभाग घेतला. वारीत अरबाज नौशाद शेख (वय १९, रा. महाराजपूर, झारखंड) आणि एका १७ वर्षीय मुलास ताब्यात घेण्यात आले. त्यांच्याकडून साडेचार लाख रुपये किमतीचे १४ मोबाईल जप्त करण्यात आले..हडपसर आणि वानवडी पोलिस ठाण्यांत दाखल असलेले तीन गुन्हे उघडकीस आले. मोबाईल, दागिने चोरीस गेलेल्या नागरिकांनी हडपसर किंवा वानवडी पोलिस ठाण्याशी संपर्क साधावा, असे आवाहन पोलिसांनी केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
