बँक ऑफ महाराष्ट्रच्या कार्यकारी संचालकपदी आशिष पांडे | Sakal
sakal

बोलून बातमी शोधा

bank of maharashtra
बँक ऑफ महाराष्ट्रच्या कार्यकारी संचालकपदी आशिष पांडे

बँक ऑफ महाराष्ट्रच्या कार्यकारी संचालकपदी आशिष पांडे

पुणे : बँक ऑफ महाराष्ट्रचे कार्यकारी संचालक म्हणून आशिष पांडे यांनी शुक्रवारी (ता. ३१) सूत्रे हाती घेतली. बँक ऑफ महाराष्ट्रमध्ये रुजू होण्यापूर्वी ते युनियन बँक ऑफ इंडियामध्ये मुख्य सरव्यवस्थापक आणि मुख्य परिचालन अधिकारी होते.पांडे यांची बँकिंग क्षेत्रातील २४ वर्षांची व्यावसायिक कारकीर्द असून, कर्ज व्यवहार, कोशागार व व्यापारी बँकिंग, विदेशी चलन विनिमय व्यवहार, विपणन व ग्राहक संबंध आणि बॅकिंग परिचालन असे विविध विभाग त्यांनी सांभाळले आहेत.(Bank of Maharashtra)

हेही वाचा: ''मुंबई लहान मुलांच्या लसीकरणासाठी सज्ज, पण मार्गदर्शक तत्वांची वाट''

पांडे हे यांत्रिक अभियांत्रिकीत पदवीधर असून, त्यांनी वित्त व विपणन विषयामधील व्यवस्थापनातील पदव्युत्तर पदवी प्रावीण्यासह प्राप्त केली आहे. ते भारतीय बँकर्स संस्थेचे प्रमाणित सहयोगी असून, विमा, म्युचुयल फंड व डिमॅट परिचालन यामध्ये राष्ट्रीय शेअर बाजाराचे प्रमाणन प्राप्त केले आहे. त्यांनी बंगळूरमधील भारतीय व्यवस्थापन संस्थेचा कार्यकारी नेतृत्व विषयक अभ्यासक्रम पूर्ण केला आहे. कॉर्पोरेशन बँकेच्या मुंबईमधील औद्योगिक वित्त शाखेतून पांडे यांनी आपली कारकीर्द सुरू केली.

हेही वाचा: पुणे : मुलांच्या लसीकरणासाठी आता ४० केंद्र

त्यांनी गुंतवणूक व आंतरराष्ट्रीय बँकिंग विभागातही काम केले आहे. युनियन बँकेत विलीन करण्यात आलेल्या दोन बँकांचे विविध प्रक्रियांचे स्वयंचालन व डिजिटायझेशन यामध्ये त्यांनी महत्त्वाची भूमिका पार पाडली. व्हाट्सअप बँकिंग, नामनिर्देशन, मृत्यू दाव्यांचा ऑनलाइन निपटारा, ग्राहकांच्या दारात बँकिंग सेवा असे विविध नावीन्यपूर्ण प्रयोग करणाऱ्या चमूचे ते प्रमुख होते. युनियन बँक ऑफ इंडियाच्या जयपूर विभागाचे प्रमुख उपसरव्यवस्थापक म्हणून पांडे यांनी राजस्थानात बँकेचे नेतृत्व करून सर्वांगीण सुधारणा घडवून आणली. ते बँकिंग महासंघाच्या संचालक मंडळावर नामनिर्देशित संचालक आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top