esakal | बारामतीत सहायक पोलिस उपनिरिक्षकास लाच घेताना अटक I Bribe
sakal

बोलून बातमी शोधा

bribe crime

बारामतीत सहायक पोलिस उपनिरिक्षकास लाच घेताना अटक

sakal_logo
By
- मिलिंद संगई

बारामती - पोलिस ठाण्यात दाखल असलेल्या गुन्ह्यात मदत करण्यासाठी तीस हजारांची लाच स्विकारणा-या संदीपान अभिमान माळी (वय 56) या सहायक पोलिस उपनिरिक्षकास लाचलुचपत प्रतिबंधक विभागाने आज रंगेहाथ पकडले. बारामती शहर पोलिस ठाण्यानजिकच सापळा रचून माळी याला पकडण्यात आले. दरम्यान बारामती शहर पोलिस ठाण्यात या संदर्भात गुन्हा दाखल करण्यात आला आहे.

बारामती शहर पोलिस ठाण्यात दाखल असलेल्या गुन्ह्याचे दोषारोपपत्र तक्रारदाराच्या बाजूने पाठविण्यासाठी 40 हजारांची लाच माळी यांनी मागितली होती. मात्र तडजोडीनंतर ती 30 हजारांवर आली, हीच लाच स्विकारताना माळी यास लाचलुचपत प्रतिबंधक विभागाने रंगेहाथ पकडले.

हेही वाचा: श्री क्षेत्र भीमाशंकर मंदिर दर्शनासाठी खुले होणार

लाचलुचपत प्रतिबंधक विभागाचे पोलिस अधीक्षक राजेश बनसोडे, अतिरिक्त अधीक्षक सूरज गुरव, सुहास नाडगौडा यांच्या मार्गदर्शनाखाली पोलिस उपअधीक्षक सीमा आडनाईक, पोलिस निरिक्षक भारत साळुंके, हवालदार नवनाथ वाळके, भूषण ठाकूर, चंद्रकांत कदम यांच्या पथकाने ही कारवाई केली.

loading image
go to top