Pune News : येरवडा कारागृहात मोकामधील आरोपी नाना गायकवाड याच्यावर हल्ला

पुणे : मोका कायद्यांतर्गत गुन्हा दाखल असलेल्या सराईत गुन्हेगार नाना गायकवाड याच्यावर येरवडा कारागृहात एका कैद्याने पत्र्यासारख्या एका वस्तूने हल्ला केला. यामुळे येरवडा कारागृहात प्रचंड खळबळ उडाली आहे. ही घटना शुक्रवारी (ता.३) दुपारी बाराच्या सुमारास कारागृहातील खोली क्रमांक एकसमोर घडली.

सुरेश बळीराम दयाळु असे हल्ला करणाऱ्या आरोपीचे नाव आहे. याबाबत हवालदार सुभाष मानसिंग दरेकर (वय-54) यांनी फिर्याद दिली आहे. शुक्रवारी दुपारी बाराच्या सुमारास खोली क्रमांक एक आणि 12 येथे कैदी साफसफाई करत होते. त्यावेळी नाना गायकवाड हा खोली क्रमांक एकसमोर खुर्चीवर बसला होता. त्यावेळीं आरोपी सुरेश दयाळु हा फिर्यादीच्या पाठिमागून आला. त्याने पोलिसांची नजर चुकवून लोखंडी पत्र्याच्या तुकड्याने नाना गायकवाडच्या उजव्या गालावर वार केला.