पुणे : जेवण झाल्यानंतर हात धुताना अंगावर पाणी उडाल्याचा जाब विचारल्याच्या कारणावरुन एकाने तरुणावर चाकूने वार केले. ही घटना गुरुवारी दुपारी तीन वाजता गुलटेकडी येथील मीनाताई ठाकरे वसाहतीजवळ घडली. याप्रकरणी स्वारगेट पोलिसांनी एकास अटक केली आहे.
शब्बीर सलामत शेख (वय 47, रा. औद्योगिक वसाहत गुलटेकडी) असे अटक केलेल्या संशयित आरोपीचे नाव आहे. या प्रकरणी रजत उर्फ धर्मा किशोर बाभुळकर (वय 24, रा. गुलटेकडी) याने स्वारगेट पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी हे त्यांचे ओळखीचे फिरोज वजीरखान पठाण यांच्या रिक्षामध्ये बसले होते. त्या वेळी त्यांच्या बाजुला असलेल्या त्यांच्या मित्रांनी फिर्यादी यांना त्यांच्यासमवेत दालचा राईस खाण्यासाठी बोलाविले. फिर्यादी हे त्यांच्यासमवेत जेवण करीत असताना शब्बीर शेख तेथे आला. शेख याने फिर्यादी यांच्याजवळच पाण्याच्या बाटलीतून पाणी ओतत हात धुऊ लागला. त्याचे पाणी फिर्यादी यांच्या अंगावर उडाले. त्यामुळे फिर्यादी यांनी त्याबाबत आरोपीकडे विचारणा केली. त्या वेळी शेख याने फिर्यादीस शिवीगाळ करत व जुन्या भांडणाचा राग मनात धरून रस्त्यावरील दगड फिर्यादी यांना फेकून मारून फिर्यादी यांच्या डाव्या पायाला दुखापत केली.
त्यानंतर शेख याने तेथील दुकानातून चाकू आणून फिर्यादी यांच्या डाव्या हाताच्या दंडावर वार केले. त्यामध्ये फिर्यादी हे गंभीर जखमी झाले. तसेच, साक्षीदार शहानूर अजीज शेख याच्यावरही चाकूने वार करून दहशत निर्माण केली. या प्रकरणाचा तपास सहाय्यक पोलिस निरीक्षक ए.के.रसाळ करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.