सराफी व्यावसायिकाचा पिस्तुलातुन गोळी झाडून आत्महत्येचा प्रयत्न

पुणे-  शहरातील एका नामांकित सराफी व्यावसायिकाने पिस्तुलातुन स्वत:वर गोळी घालुन आत्महत्या करण्याचा प्रयत्न केल्याचा धक्कादायक प्रकार उघडकीस आला आहे. ही घटना मंगळवारी सायंकाळी आठ वाजता लक्ष्मी रस्त्यावरील एका दुकानात घडली. सराफी व्यावसायिकास रुग्णालयात दाखल करण्यात आले असून त्यांची प्रकृती चिंताजनक असल्याचे समजते.

 आत्महत्येचा प्रयत्न करणारे सराफी व्यावसायिक 60 वर्षाचे आहेत. त्यांचे लक्ष्मी रस्त्यावर सोने-चांदी विक्रीचे दुकान आहे. संबंधीत सराफी व्यावसायिक हे नेहमीप्रमाणे मंगळवारी दिवसभर  त्यांच्या दुकानामध्ये होते. दरम्यान, सायंकाळी साडे सात वाजता त्यांनी त्यांच्या दुकानातच पिस्तुलातुन छातीवर गोळी झाडली. या घटनेत ते गंभीर जखमी झाले. त्यानंतर त्यांच्या दुकानातील कामगारानी त्यांना तत्काळ खासगी रुग्णालयात उपचारासाठी दाखल केले. व्यासायिकावर सध्या उपचार सुरु आहेत, मात्र त्यांची प्रकृती चिंताजनक असल्याची माहिती समजते आहे.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

दरम्यान, या घटनेची माहिती मिळताच विश्रामबाग पोलिस ठाण्याचे पोलिस घटनास्थळी दाखल झाले. त्यांनी या घटनेची नोंद घेतली आहे. व्यावसायिकाने आत्महत्या करण्याचा प्रयत्न का केला, याबाबत अद्याप माहिती मिळालेली नाही. विश्रामबाग पोलिसांकडुन या प्रकरणाचा तपास केला जात आहे.

हे ही वाचा : पुण्यातील चतुःश्रृंगी पोलिस ठाण्यात गुन्हा दाखल