पुणे - पुणे रेल्वे स्थानक परिसरात रविवारी रात्री एका तरुणाने राष्ट्रपिता महात्मा गांधी यांच्या पुतळ्याची विटंबना करण्याचा प्रयत्न केला. याप्रकरणी बंडगार्डन पोलिसांनी तत्काळ कारवाई करत आरोपीला अटक केली असून, पुढील चौकशी सुरू आहे..सूरज आनंद शुक्ला (वय-३५, रा. विश्रांतवाडी) अटक केलेल्या तरुणाचे नाव आहे. तो मूळचा उत्तरप्रदेशातील वाराणसी येथील आहे. शुक्ला याने बारावीपर्यंतचे शिक्षण घेतले असून, तो पुण्यातील एका आयटी कंपनीत कामगार म्हणून कार्यरत होता..रविवारी (ता. ६) रात्री साडेदहा वाजण्याच्या सुमारास तो रेल्वे स्थानकात महात्मा गांधींच्या पुतळ्याजवळ आला. त्याने चबुतऱ्यावर चढून धारदार हत्याराने पुतळ्याची विटंबना करण्याचा प्रयत्न केला..मात्र, घटनास्थळी तैनात असलेल्या पोलिसांनी प्रसंगावधान राखत त्याला लगेच ताब्यात घेतले. या घटनेत गांधीजींच्या पुतळ्याचे नुकसान झाले नसले, तरी चबुतऱ्याचे काही प्रमाणात नुकसान झाल्याचे वरिष्ठ पोलिस निरीक्षक रवींद्र गायकवाड यांनी स्पष्ट केले.दरम्यान, या घटनेमागे संघटनात्मक कारण किंवा आरोपी कोणत्या राजकीय पक्षाशी संबंधित आहे का, याचा तपास पोलिस करत आहेत..काँग्रेसकडून तीव्र निषेध -या घटनेच्या निषेधार्थ सोमवारी पुणे शहर जिल्हा काँग्रेस कमिटीच्या वतीने आंदोलन करण्यात आले. आरोपीवर कठोर कारवाई करण्याची मागणी शहराध्यक्ष अरविंद शिंदे यांनी केली. या वेळी महाराष्ट्र प्रदेश काँग्रेसचे सरचिटणीस ॲड. अभय छाजेड, माजी महापौर कमल व्यवहारे, माजी नगरसेवक रफिक शेख, अविनाश बागवे यांच्यासह अन्य पदाधिकारी आणि कार्यकर्ते उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
