पुणे : हुंड्यासाठी पत्नीचा गळा दाबून खुनाचा प्रयत्न केल्याची घटना वडगाव शेरी भागात घडली. याप्रकरणी पती, सासू, सासऱ्यांसह सहा जणांवर चंदननगर पोलिसांनी गुन्हा दाखल केला आहे..याबाबत २४ वर्षीय पत्नीने चंदननगर पोलिस ठाण्यात फिर्याद दिली. त्यानुसार पती प्रणिल निकुडे (वय ३२), सासरे उदय (वय ६०), सासू वैशाली (वय ५५), दीर प्रतीक (वय ३०, सर्व रा. वडगाव शेरी), चुलत दीर प्रमोद, चुलत सासरे माणिक (रा. कल्याणीनगर) यांच्यावर गुन्हा दाखल करण्यात आला..तक्रारदार तरुणीचा आरोपी प्रणिल याच्याशी ऑक्टोबर २०२३ मध्ये विवाह झाला होता. विवाहानंतर हुंड्यात काही वस्तू दिल्या नाहीत, त्यासाठी आई-वडिलांकडून पैसे घेऊन ये, असे पती प्रणिलने तिला सांगितले. .त्यानंतर पती, सासरे, सासू, दीर व चुलत सासरे यांनी तिला टोमणे मारून शारीरिक आणि मानसिक छळ सुरू केला. त्यानंतर २५ जूनला पती प्रणिलने तिला मारहाण केली. त्याने तिचा गळा दाबला, तसेच तिचा मोबाईल फोडला आणि पत्नीला फरफटत सदनिकेच्या गॅलरीत नेत तेथून ढकलून देण्याचा प्रयत्न केला..Farmer ID : तांत्रिक बाबीत अडकले शेतकऱ्यांचे आयडी; सबसीडीपासून वंचित राहण्याची शक्यता.पोलिसांत तक्रार दिल्यास जिवे मारू, अशी धमकी सासरे उदय याने दिल्याचे फिर्यादीत नमूद केले आहे. गुन्हे शाखेच्या पोलिस निरीक्षक स्वाती खेडकर या गुन्ह्याचा तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
