राजगुरुनगर - कुटुंबकलहामुळे जीवनाला कंटाळलेला तरुण आत्महत्येच्या उद्देशाने विजेच्या खांबावर चढला. सुमारे दोन तास तो तिथेच बसला. अधेमधे तो खांबावर उभा राहायचा, पण उडी मारण्याबाबत तो द्विधा मनस्थितीत होता..खालून लोक खाली उतर, अशी मनधरणी करत होते. पण तो ऐकत नव्हता. त्याला खाली घेण्यासाठी जेव्हा एकजण खांबावर चढू लागले, तेव्हा मात्र त्याने उडी मारली, पण लोकांनी त्याला झोळीत झेलले आणि त्याचा जीव वाचला. ही घटना मंगळवारी (ता. ६) खेड एसईझेडमध्ये घडली..खेड एसईझेडच्या निमगाव (ता. खेड) येथील अमूल डेअरी प्रकल्पाच्या परिसरातील विजेच्या खांबावर दुपारी बारा वाजण्याच्या सुमारास एक बावीस वर्षीय तरुण चढला. घरातील कलहामुळे आलेल्या नैराश्यातून आत्महत्या करण्याच्या उद्देशाने तो या विद्युत वाहक खांबावर चढला होता. विद्युत प्रवाह सुरू होता. सुमारे दोन तास तो तिथेच बसून होता..स्थानिकांच्या लक्षात आल्यानंतर त्यांनी वीज वितरण अधिकाऱ्यांशी संपर्क साधून विद्युत प्रवाह खंडित केला. तोपर्यंत पोलिस घटनास्थळी दाखल झाले. या तरुणाला खाली येण्याची विनवणी पोलीस व स्थानिक करत होते. मात्र तो खाली येत नव्हता, उलट ‘तुम्ही जर वरती आले, तर मी उडी टाकीन’, अशी धमकी देत होता..पोलिसांनी आणि स्थानिकांनी त्या खांबाभोवती जाळी धरुन ठेवली होती. अनेकदा विनंती करूनही तो खाली येईना, म्हणून त्याला खाली घेण्यासाठी एकजण खांबावर चढू लागला. तेव्हा मात्र त्याने खाली उडी मारली. पण ती लोकांनी धरलेल्या जाळीत पडली. त्याला दुखापत झाली तरी त्याचा जीव मात्र वाचला. पोलिसांनी पुढील चौकशीसाठी त्याला ताब्यात घेतले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
