विद्यार्थ्यांनो, बी.ए., बी.कॉम.च्या ऑनलाईन अॅडमिशनला आजपासून होणार सुरवात!

पुणे : सावित्रीबाई फुले पुणे विद्यापीठाने प्रथम वर्ष बी.ए. आणि बी.कॉम. या अभ्यासक्रमांसाठीची प्रवेश प्रक्रिया सुरू केली आहे. दूरस्थ शिक्षणपद्धतीने प्रवेश घेऊ इच्छिणाऱ्यांसाठी ऑनलाईन प्रवेश प्रक्रिया शुक्रवारी (ता.२४ जुलै) दुपारी तीन वाजल्यापासून मुक्त अध्ययन प्रशाळेच्या http://unipune.ac.in/sol/ या संकेतस्थळावर सुरू होणार आहे.

- 'ऑफलाइन'वरुन 'ऑनलाईन' आलेल्यांना आहे जगभर डिमांड!​

विद्यार्थ्यांना ३१ ऑगस्ट २०२० पर्यंत ऑनलाईन पद्धतीने पुणे, अहमदनगर आणि नाशिक या जिल्ह्यातील निवडक महाविद्यालयातील मुक्त अध्ययन प्रशाळेच्या अभ्यास केंद्रावर प्रवेश घेता येणार आहे. प्रवेश ऑनलाइन पद्धतीने घ्यावयाचे असून प्रवेश अर्ज विद्यार्थ्यांनी निवडलेल्या अभ्यास केंद्रावर जाऊन सध्याच्या परिस्थितीत सादर करू नयेत. प्रवेश अर्ज सादर करण्यासंदर्भातील सूचना नंतर जाहीर करण्यात येतील, याची विशेष नोंद सर्व विद्यार्थ्यांनी घ्यावी.

- ...म्हणून संभाजी ब्रिगेड उपराष्ट्रपतींना पाठविणार एक लाख पत्रं!​

प्रवेश प्रक्रियेसंदर्भातील सविस्तर माहिती मुक्त अध्ययन प्रशाळेच्या संकेतस्थळावर प्रसिद्ध करण्यात आली आहे. पदव्युत्तर प्रवेशाचे सविस्तर वेळापत्रक नंतर जाहीर करण्यात येईल, अशी माहिती विद्यापीठाच्या मुक्त अध्ययन प्रशाळेचे संचालक डॉ. संजीव सोनवणे यांनी दिली.

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)