पुणे - शहराच्या मध्यवर्ती भागातील बाजीराव रस्त्यावर घडलेल्या १७ वर्षीय तरुणाच्या खून प्रकरणातील तीन अल्पवयीन आरोपींची बालसुधारगृहात रवानगी करण्यात आली आहे. .बाजीराव रस्त्यावरील शुक्रवार पेठेत महाराणा प्रताप उद्यानासमोर मयांक सोमदत्त खरारे (वय १७, रा. साने गुरुजी नगर, पीएमसी कॉलनी) या तरुणाचा मंगळवारी (ता. ४) दुपारी खून करण्यात आला होता. तसेच, त्याचा मित्र (वय १७, रा. दांडेकर पूल) हा गंभीर जखमी झाला होता. या प्रकरणी खडक पोलिस ठाण्यात तीन अल्पवयीन आरोपींविरुद्ध (सर्व रा. पर्वती) गुन्हा दाखल करण्यात आला होता..मयांक आणि त्याचा मित्र हे दुपारी दुचाकीवरून जाताना तिघांनी त्याच्या दुचाकीला धडक दिली. त्यानंतर आरोपींनी मयांकवर कुकरीसारख्या धारदार शस्त्राने वार केले. त्यात मयांकचा मृत्यू झाला होता. या घटनेनंतर आरोपी दुचाकीवरून पसार झाले. परंतु पोलिसांनी तीनही अल्पवयीन आरोपींना ताब्यात घेतले..वरिष्ठ पोलिस निरीक्षक शशिकांत चव्हाण यांनी दिलेल्या माहितीनुसार, अल्पवयीन आरोपींना बुधवारी (ता. ५) बाल न्याय मंडळासमोर हजर करण्यात आले. त्यावर बाल न्याय मंडळाने त्यांची बालसुधारगृहात रवानगी करण्याचे आदेश दिले. पोलिसांकडून या प्रकरणी पुढील तपास सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.