बहाद्दराने बँकेला ४५ लाखांचा गंडा घातला; फ्लॅट खरेदीचं दिलं होतं कारण

पुणे : सदनिका खरेदी करण्याचा बहाणा करुन बनावट कागदपत्रे बँकेत सादर करीत एका व्यक्तीने बँकेची तब्बल ४५ लाख रुपयांची फसवणूक केली. या प्रकरणी दत्तवाडी पोलिस ठाण्यात गुन्हा दाखल करण्यात आला आहे.

- करुन दाखवलं; मर्दानी आजीचं पुण्यात ट्रेनिंग सेंटर सुरु​

पंकज रामदास पवार (रा.निगडी) असे गुन्हा दाखल करण्यात आलेल्या संशयीत आरोपीचे नाव आहे. या प्रकरणी सागर दत्तू उघाडे (वय ३६, रा. विश्रांतवाडी) यांनी फिर्याद दाखल केली आहे. पोलिसांनी दिलेल्या माहितीनुसार, पिंपळे सौदागर येथील एका व्यक्तीची सदनिका पंकजला खरेदी करायची होती. त्यासाठी त्याने कर्जासाठी लागणारी कागदपत्रे बनावट तयार करून ती बँकेकडे सादर केली.

- केंद्र सरकारच्या धोरणावर अजित पवारांचा सावध पवित्रा; सरसकट वाहतुकीबाबत वेगळा निर्णय घेणार?​

त्यानंतर स्वारगेट येथील कॅनरा बँकेच्या शाखेत सदनिकेच्या मूळ मालकाऐवजी दुसऱ्याच व्यक्तीला बँकेच्या अधिकाऱ्यासमोर उभे केले. त्यानंतर बँकेने त्यास ४५ लाख रुपयांचे कर्ज मंजूर केले. ते पैसे त्याने घेतले. त्यापैकी काही रक्कम त्याने बँकेला कर्जाचा हफ्ता म्हणून परत केली. त्यानंतर मात्र त्याने कर्जाचे हप्ते भरले नाही. त्यामुळे बँकेने चौकशी केली, तेव्हा पंकजने फसवणूक केल्याचे निष्पन्न झाले. याप्रकरणी दत्तवाडी पोलिस अधिक तपास करत आहेत. 

- पुण्याच्या बातम्या वाचण्यासाठी येथे क्लिक करा