Pune Crime News : लोन अ‍ॅपवर होणाऱ्या सततच्या धमकी आणि बदनामीमुळे पुण्यातील २५ वर्षीय तरुणाची आत्महत्या केल्याचा धक्कादायक प्रकार समोर आला आहे. या घटनेमुळे एकच खळबळ उडाली असून, या प्रकरणी पीडित मुलाच्या वडिलांनी विमानतळ पोलीस ठाण्यात फिर्याद दिली आहे.
सोहेल शेख (वय 25, विमाननगर) असे आत्महत्या केलेल्या तरूणाचे नाव असून, लोन अ‍ॅपवरुन कर्जाची परतफेड करण्यासाठी दिल्या जाणार्‍या धमकी व बदनामीला कंटाळून त्याने आत्महत्या केल्याचे सांगितले जात आहे.
पोलिसांनी दिलेल्या माहितीनुसार, सोहेल याने काही महिन्यांपूर्वी वेगवेगळ्या लोन अ‍ॅपद्वारे कर्ज घेतले होते. एक कर्ज फेडण्यासाठी तो दुसरे लोन घ्यायचा. कर्जाची परतफेड करण्यासाठी वारंवार त्याला धमक्यांचे आणि शिवीगाळ करणारे फोन येत होते. इतकाच नाही तर, तुझी बदनामी केली जाईल असेदेखील सांगण्यात येत होते. या त्रासाला कंटाळून सोहेलने राहत्या घरी आत्महत्या केली. या प्रकरणाचा अधिक तपास पोलीस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
