पुणे: कोरोनाची तिसरी लाट नुकतीच ओसरली आहे. त्यानंतर आता वेगवेगळ्या प्रकारचे धार्मिक सणसमारंभ यांना परवानगी मिळत आहे. याआधी कोरोनामुळे नाईट कर्फ्यू सुद्धा लागू करण्यात आला होता. मात्र, आता मोठ्या प्रमाणावर निर्बंध शिथिल करण्यात आले आहेत. असं असलं तरी याचा काहीसा गैरफायदा घेणारा एक प्रकार पुण्यामध्ये घडलेला दिसून येतोय. पुण्यातील सेनापती बापट रोड, वडारवाडी याठिकाणी एका लग्नाच्या मांडवामध्ये चक्क बारबाला नाचवल्या जात असल्याचा प्रकार घडला आहे. यातील काही व्यक्ती तृतीयपंथी असल्याची प्राथमिक माहिती मिळत आहे. (Bar Dancers performs on the road in pune)
विशेष म्हणजे हा लग्नाचा मांडव रस्त्यावरच असून मोठ्याने गाणी लावून बारबालांना नाचवलं जात आहे. तसेच त्यांच्यावर पैसे देखील उडवले जात आहेत. एकीकडे कोरोनाचे मुलभूत नियम आजही पाळणे बंधनकारक असताना या मांडवामध्येही एकही व्यक्ती मास्क अथवा सोशल डिस्टन्सिंगचे पालन करताना दिसत नाहीये. थेट अशाप्रकारे घरगुती कार्यक्रमामध्येच रस्त्यावर बारबाला नाचवण्याला पुणे पोलिस परवानगी देणार आहेत का? किंवा दिली आहे का? असा सवाल नागरिकांमधून उपस्थित होतो आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
