मूर्खपणाचा कहर! चक्क पिण्याच्या पाण्याच्या टाकीत `ते` करतायेत अांघोळ

पर्वती  (पुणे) : सध्या सर्वत्र कोरोनाचा प्रसार झपाट्याने होत आहे. त्याला आळा घालण्यासाठी प्रशासन विविध उपाययोजना राबवत आहेत. परंतु, काही ठिकाणी नागरिक कोरोनाची कोणतीही तमा न बाळगता अजब प्रकार करत आहेत. ग्रीनमध्ये राहिलेल्या जनता वसाहतीत नुकतेच 14 कोरोनाबाधित रूग्ण सापडले आहेत. त्यामुळे या परिसरात आता अधिक खबरदारी घेणे गरजेचे आहे. तरीदेखील जनता वसाहतीमध्ये पिण्याच्या पाण्याच्या टाकीमध्ये अंघोळ करण्याचा अजब प्रकार घडत आहे. 

दगड खाणींबाबत झाला महत्त्वाचा निर्णय

कोरोनाचा संसर्ग पसरू नये म्हणून जनता वसाहतीत काळजी घेण्यात आली होती. परंतु याच ठिकाणी आता बाधित रूग्ण सापडलेले असताना देखील चक्क पिण्याच्या पाण्याच्या टाकीतच अंघोळ करण्याचे प्रकार घडत असल्याने कोरोना संसर्ग वाढण्याची शक्‍यता निर्माण झाली आहे. जनता वसाहतीच्या वरच्या बाजूला टेकडीवर वसाहतीसाठी पाण्याची टाकी बसवलेली आहे. याद्वारे संपूर्ण वसाहतीत पिण्याच्या पाण्याचा पुरवठा केला जातो. परंतु, सध्या या टाकीमध्ये या भागातील काही मुले रोज अंघोळ केल्याचे दिसून येत आहे.

 Video : `तिच्या`साठी त्याने जीव पणाला लावला अन् तीस फूट खोल विहिरीत उतरला

पुण्यामध्ये कोरोनाचा प्रादुर्भाव वाढत आहे. या पार्श्वभूमीवर असे प्रकार घडल्यास नागरिकांचे आरोग्य धोक्‍यात येऊ शकते. याठिकाणी गेली एका वर्षापासून कुठलाही कर्मचारी देखरेखीसाठी नसल्याचे दिसून येत आहे. अंघोळ केलेले पाणी नागरिकांनी प्यायचे का असा प्रश्न उपस्थित होत आहे. कोरोनाच्या पार्श्‍वभूमीवर स्वच्छता राखण्याची गरज असताना असे प्रकार याठिकाणी घडत आहेत. महापालिका प्रशासनाने याकडे तत्काळ लक्ष देण्याची गरज आहे. जी मुले या टाकीमध्ये अंघोळ करतात यांच्यावर कारवाई व्हावी अशी मागणी सध्या होत आहे. 

पुण्याच्या इतर बातम्या वाचण्यासाठी- क्लिक करा

 

"या भागातील काही मुले टेकडीवरील या पाण्याच्या टाकीत अंघोळ करतात. नागरिकांनी हेच पाणी प्यायचे का महापालिकेने याकडे लक्ष देण्याची गरज आहे. 
संदीप काळे, अध्यक्ष, राष्ट्रवादी कॉंग्रेस पर्वती सामाजिक न्याय विभाग 

 

अधिकाऱ्यांशी बोलून या लोकांचा बंदोबस्त केला जाईल. 
-तुकाराम पवार, महापालिका अधिकारी, सिंहगड रोड क्षेत्रीय कार्यालय