Bharat Bandh :शेतकर्‍यांच्या आंदोलनाला पाठिंबा देण्यासाठी किसान मंचकडून निदर्शने

पुणे : कृषी विधेयक रद्द करण्याच्या मागणीसाठी दिल्लीत सुरू असलेल्या शेतकर्‍यांच्या आंदोलनाला पाठिंबा देण्यासाठी जिल्हाधिकारी कार्यालयासमोर बुधवारी दुपारी आम आदमी पार्टी, किसान मंच,अखिल भारतीय किसान संघर्ष समन्वय समिती, जनआंदोलनाची संघर्ष समिती यांच्यासह अन्य संघटनांनी निदर्शने केली. 

या वेळी केंद्र सरकारच्या विरोधात घोषणाबाजी करण्यात आली. 'शेतकरी, कामगार एकजुटीचा विजय असो', 'शेतकऱ्यांना न्याय मिळालाच पाहिजे', 'मोदी सरकार हाय हाय'च्या घोषणांनी परिसर दणाणून सोडला.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कम्युनिस्ट पक्षाचे प्रा. अजित अभ्यंकर, हमाल पंचायतीचे नितीन पवार, अॅड. नाथा शिंगाडे, इमरान खान, अलका पावनगडकर, जोहाना लोखंडे अशरफ बागवान यांच्यासह अन्य पदाधिकारी आणि कार्यकर्ते या आंदोलनात सहभागी झाले होते.

शेतकऱ्यांच्या मोर्चाला आणि 'भारत बंद'ला दलित पॅंथर संघटनेकडून पाठिंबा देण्यात आला. दलित पॅंथरचे प्रदेशाध्यक्ष सुखदेव सोनवणे, शुभम सोनवणे, प्रकाश साळवे यांनी सांगितले.

अकरावीच्या दुसऱ्या फेरीतील प्रवेशासाठी ७ हजार विद्यार्थ्यांची सहमती