पुणे - अकरावी ऑनलाइन प्रवेश प्रक्रियेच्या दुसऱ्या नियमित गुणवत्ता यादीत निवड झालेल्या सुमारे सात हजार ५५८ विद्यार्थ्यांनी (३२.६९ टक्के ) प्रवेशासाठी संमती दर्शविली आहे. त्यातील सुमारे पाच हजार ३४२ विद्यार्थ्यांनी प्रवेशाची प्रक्रिया सुरू केली आहे.
- पुण्याच्या बातम्या वाचण्यासाठी येथे ► क्लिक करा
पुणे आणि पिंपरी-चिंचवड महापालिकेच्या कार्यक्षेत्रातील कनिष्ठ महाविद्यालयात अकरावी प्रवेशासाठी इयत्ता अकरावी केंद्रीय प्रवेश नियंत्रण समितीमार्फत प्रवेश प्रक्रिया राबविली जात आहे.
या अंतर्गत दुसरी नियमित गुणवत्ता यादी शनिवारी जाहीर करण्यात आली. या फेरीसाठी जवळपास ४६ हजार ७९४ विद्यार्थी पात्र ठरले होते. त्यातील २३ हजार १२० विद्यार्थ्यांची दुसऱ्या फेरीसाठी निवड झाली. त्यातील सात हजार ५५८ विद्यार्थ्यांनी ‘कन्सर्न गिवेन’ची प्रक्रिया केली आहे. तर पाच हजार ३४२ विद्यार्थ्यांनी प्रवेशाची प्रक्रिया सुरू केली आहे. मात्र गुणवत्ता यादी जाहीर होऊन तीन दिवस उलटले, तरी देखील गुणवत्ता यादीत निवड झालेल्या विद्यार्थ्यांपैकी १५ हजार ५६२ विद्यार्थ्यांनी अद्याप कोणताही प्रतिसाद दिलेला नाही.
दुसऱ्या फेरीत निवड झालेल्या विद्यार्थ्यांपैकी ४४८ विद्यार्थ्यांनी प्रत्यक्ष प्रवेश घेतला असल्याची माहिती केंद्रीय प्रवेश नियंत्रण समितीच्या सचिव मीना शेंडकर यांनी दिली आहे.
विद्यार्थी-पालकांसाठी सूचना...
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.