भिडे पुल पाण्याखाली गेल्याने पुल वाहतुकीसाठी बंद | Sakal
sakal

बोलून बातमी शोधा

Bhide bridge closed for traffic due to flooding

भिडे पुल पाण्याखाली गेल्याने पुल वाहतुकीसाठी बंद

पुणे - मुठा नदीच्या पाण्याच्या पातळीत वाढ झाल्याने मंगळवारी रात्री डेक्कन नदीपात्रातील भिडे पुल पाण्याखाली गेला. त्यामुळे मंगळवारी रात्रीपासूनच भिडे पुल वाहतुकीस बंद करण्यात आला असून वाहन चालकांना पर्यायी मार्गाचा वापर करावा लागला आहे.

शहरात आणि खडकवासला धरण साखळी क्षेत्रात मागील २-३ दिवसात जोरदार पाऊस सुरू आहे. त्यामुळे मंगळवारपासून खडकवासला धरणातून मुठा नदीमध्ये पाण्याचा विसर्ग करण्यास सुरुवात करण्यात आली आहे. त्यामुळे मुठा नदीच्या पाण्याची पातळी वाढली आहे. दरम्यान, मंगळवारी रात्री १० वाजता डेक्कन नदीपात्रातील भिडे पुल पाण्याखाली गेला. त्यामुळे डेक्कन वाहतूक विभागाकडून मंगळवारी रात्रीपासूनच भिडे पुल वाहतुकीस बंद करण्यात आला. पोलिसांनी डेक्कन बसस्थानक पासून भिडे पुलाकडे जाणारा रस्ता तसेच नारायण पेठेकडून डेक्कनकडे जाणारी वाहतुक बंद केला, त्यासाठी ठिकठिकाणी बॅरिकेड्स टाकून पोलिसांचा बंदोबस्त ठेवण्यात आला आहे.

वाहन चालकांनी डेक्कन येथील खंडोजी बाबा चौक येथून शहरात व याच पुलावरून कर्वे रस्त्यावर किंवा लाल बहादूर शास्त्री रस्ता मार्गे कर्वेनगर, कोथरूड परिसरात जाण्यासाठी पर्यायी मार्ग म्हणून वापर करावा असे आवाहन डेक्कन वाहतूक विभागाने केले आहे.

Web Title: Bhide Bridge Closed For Traffic Due To Flooding

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..